掃呢頁CODE去手機

2016年8月5日 星期五

復合冇望?胡定欣否認逼婚分手冇第三者 __,定欣,胡定欣,

胡定欣全程表現淡定回應「分訊」,佢話冇逼婚冇第三者!「視后」胡定欣、陳展鵬、劉佩玥(Moon)及伍允龍等於紅磡宣傳無綫劇集《城寨英雄》。當中定欣及展鵬玩遊戲時,除了埋身「合體」玩situp,定欣更生擒對方,表現風騷!而緋聞男女Moon及伍允龍則示範「女上男下」掌上壓,炒熱全場氣氛。冇負面情緒日前與音樂人陳明道分手的定欣全程表現投入,她更淡定談及情傷。定欣表示早前放假「叉足電」,又謂分手後並沒有負面 ...


胡定欣全程表現淡定回應「分訊」,佢話冇逼婚冇第三者!

「視后」胡定欣、陳展鵬、劉佩玥(Moon)及伍允龍等於紅磡宣傳無綫劇集《城寨英雄》。當中定欣及展鵬玩遊戲時,除了埋身「合體」玩sit up,定欣更生擒對方,表現風騷!而緋聞男女Moon及伍允龍則示範「女上男下」掌上壓,炒熱全場氣氛。

冇負面情緒

日前與音樂人陳明道分手的定欣全程表現投入,她更淡定談及情傷。定欣表示早前放假「叉足電」,又謂分手後並沒有負面情緒:「個假期一早定咗,去到飲吓同食吓。(有冇喊吓?)冇喇,唔係第一次拍拖。每次經歷令自己成長,冇負面情緒。(放得低?)冇嘢放唔低。我知大家擔心同關心我,但放心,我大個女喇。」

唔講邊個提分手

提到有傳定欣因有第三者介入而分手?定欣又再強調分手與第三者無關,只因性格不合才分開,但未肯透露由誰先提出分手:「呢段感情冇發生任何唔開心嘅事,唔好相信唔真實嘅報道。」她又否認逼婚,更自認事業心重:「從來冇,婚姻點可以逼?我事業心好重,事業上有新開始。將(逼婚)字眼擺喺女仔身上唔太好,唔知嘅人會以為真。」定欣表示與前男友分開一個月但尚有聯絡,目前沒想過復合,她希望傳媒不要追訪及打擾對方。

唔諗拍拖

問她是否暫時不考慮拍拖?定欣就謂順其自然:「冇咁諗,順其自然,時候未到。(多人追?)冇。(點會呀?)好出奇咩?係咪覺得我條件好好?冇呀,呢排忙住宣傳。」


來源 source: http://hk.on.cc
鍾意就快D Share啦!