掃呢頁CODE去手機

2016年8月14日 星期日

【里約奧運】水神示範乜嘢係有風度 寸王學嘢啦 __,里約奧運,奧運,

「水神」費斯喺男子100米蝶泳決賽輸咗畀自己粉絲新加坡嘅史高寧(JosephSchooling),同另外兩位泳手以相同時間一齊攞銀牌,不過「水神」並冇表現得唔忿氣,賽後記者會仲鬼咁有風度,叫記者問多啲史高寧㖭。今場係已經累積拎到奧運22金嘅費斯最後一場奧運個人項目決賽,佢贏唔到金牌依然成為大家焦點,現場記者係咁問佢嘢。之但係「水神」好識做,佢答咗一輪問題之後同記者講︰「阿Joe應該係畀人問得最多嗰 ...




其他影片:>>






「水神」費斯喺男子100米蝶泳決賽輸咗畀自己粉絲新加坡嘅史高寧(Joseph Schooling),同另外兩位泳手以相同時間一齊攞銀牌,不過「水神」並冇表現得唔忿氣,賽後記者會仲鬼咁有風度,叫記者問多啲史高寧㖭。今場係已經累積拎到奧運22金嘅費斯最後一場奧運個人項目決賽,佢贏唔到金牌依然成為大家焦點,現場記者係咁問佢嘢。之但係「水神」好識做,佢答咗一輪問題之後同記者講︰「阿Joe應該係畀人問得最多嗰個,呢個細路啱啱贏咗面金牌,大家應該問佢多啲問題。」而當一個記者問史高寧,成為咗世界上最最強嘅蝶泳選手有咩感覺,呢位21歲泳手表現得有啲猶豫,仲向左邊嘅費斯睄咗一眼,費斯就同佢講︰「係問你㗎兄弟,唔好望住我」。史高寧當然亦好識講嘢,話咁樣聽落好似好大壓力,佢自己並唔認為自己已經可以接近到喺佢隔離嘅三位選手,今日只係佢嘅一個好日子啫咁話。如果大家唔善忘,應該都記冇幾多日之前,中國嘅孫楊曾經話過唔識澳洲嘅賀頓,又自稱係1,500米自由泳之王,雖然賀頓寸孫楊係食禁藥作弊嘅人在先,但講到風度呢樣嘢,淨係佢話自己唔識喺400米自由泳決賽贏咗佢而拎到金牌嘅賀頓呢一點就已經……


鍾意就快D Share啦!