掃呢頁CODE去手機

2016年8月16日 星期二

撐港隊:被蘇絲黃叫「茂利」!港乒一哥:打波靠個樣? __,

蘇絲黃(左)對香港隊有好多意見。(互聯網圖片、GettyImages)本地DJ蘇絲黃,尋日朝早喺電台節目中大談奧運消息,當講到香港隊制服坦言「忟忟哋」,尤其係覺得「港乒一哥」黃鎮廷「哩啡」,仲公開叫佢茂利。另外,港隊單車服心口朵紫荊花圖案亦令佢不滿,話上面嘅陰影似乳暈:「真係好肉酸!」前香港劍擊代表李忠民隨即於網上作出反擊:黃鎮廷係精英運動員,唔係茂利!蘇絲黃於《大玩派》節目中,講起香港乒乓球隊, ...


蘇絲黃(左)對香港隊有好多意見。(互聯網圖片、Getty Images)

本地DJ蘇絲黃,尋日朝早喺電台節目中大談奧運消息,當講到香港隊制服坦言「忟忟哋」,尤其係覺得「港乒一哥」黃鎮廷「哩啡」,仲公開叫佢茂利。另外,港隊單車服心口朵紫荊花圖案亦令佢不滿,話上面嘅陰影似乳暈:「真係好肉酸!」前香港劍擊代表李忠民隨即於網上作出反擊:黃鎮廷係精英運動員,唔係茂利!

蘇絲黃於《大玩派》節目中,講起香港乒乓球隊,因為忘記黃鎮廷名字,故詢問拍檔:「條茂利叫咩名話?」之後蘇絲黃就直斥黃鎮廷,覺得佢比賽時應扣上Polo Shirt嘅鈕扣:「肉酸到呢,好似準備去沖涼咁。」而提到港隊單車服,蘇絲黃認為制服上嘅紫荊花圖案不雅,陰影部份似乳暈,覺得「真係救命」、「真係好肉酸」。

前香港劍擊奧運代表李忠民,於Facebook上載《致蘇絲黃的公開信》,希望蘇絲黃「好好了解體育後才作批評」,以下為公開信全文:

致蘇絲黃的公開信

剛才閣下在電台的言論,本人有以下意見:

1. 黃鎮廷是香港的精英運動員,並不是閣下口中的 「茂里」!

2. 運動員在比賽時 Polo Shirt 有沒有扣鈕,並非值得閣下批評的地方,有沒有想過可能是在比賽期間鬆掉?

3. 你不明白單車衣在風阻及工用上設計,請勿隨便批評!

4. 請尊重所有運動員! 不論國家及地區!

5. 請閣下好好了解一下體育,之後才作出批評,以免誤導聽衆!

資深體育評述員,前香港奧運代表

李忠民

另外,對於蘇絲黃的言論,黃鎮廷亦作出回應,表示不會為此覺得不開心,認為在場上最重要讓自己舒服,對比賽有好的發揮!「首先多謝佢關注香港乒乓球隊,我唔會唔開心,喺比賽場上,我覺得咁樣最舒服,對比賽有好既發揮,唔會理人地點睇。以前也有球迷覺得我咁樣喺比賽個陣夠豪放,運動員要嘅難道唔係要呢啲?唔通要為咗外觀而比賽?」

SO東波同你追實體壇每個精彩時刻!

http://on.fb.me/1PWMCFH 


來源 source: http://hk.on.cc
鍾意就快D Share啦!