2016年8月13日 星期六

【動畫】【獨家有片】李思捷新女豪放送秋波 私竇獻吻兼抱抱 __,思捷,李思捷,

雜食媾女王李思捷日前俾人影到同34D前歌手彭湘淇(Cory)喺尖沙嘴撐枱腳,兩個人又食又飲3粒鐘之後離開,嗰陣李思捷扶住飲腳步浮浮嘅Cory搭的士,點知Cory攬實條柱唔肯走,最後李思捷軟硬兼施令Cory跟佢坐的士返歸。正所謂一不離二,有啲嘢係會無止境咁發生,只不過今次男女身份調轉咗。噚日有讀者黃先生透過爆相爆片向本報報料,話日前喺紅磡一間私竇,捕獲這名李思捷新歡Cory,與一名男士表現親䁥,其間 ...




其他影片:>>






雜食媾女王李思捷日前俾人影到同34D前歌手彭湘淇(Cory)喺尖沙嘴撐枱腳,兩個人又食又飲3粒鐘之後離開,嗰陣李思捷扶住飲腳步浮浮嘅Cory搭的士,點知Cory攬實條柱唔肯走,最後李思捷軟硬兼施令Cory跟佢坐的士返歸。正所謂一不離二,有啲嘢係會無止境咁發生,只不過今次男女身份調轉咗。噚日有讀者黃先生透過爆相爆片向本報報料,話日前喺紅磡一間私竇,捕獲這名李思捷新歡Cory,與一名男士表現親䁥,其間仲多次向該男士大送秋波。黃先生話呢個係張林雄嘅私竇,喺短片見到,Cory表現相當熱情,成日都向男人獻吻兼抱抱,對方亦表現欲拒還迎。黃先生話呢個男人就係李彩華嘅前緋聞男友Thomas,又話:「再豪放啲都見過,有時有啲都唔識形容。」翻查資料,呢個張林雄本身係股壇同娛樂圈嘅活躍份子,曾經有報道話呢個私竇專門招待金融圈和娛樂圈嘅人,因為私癮度極高,所以消費一啲都唔平,張林雄就話呢個地方只係招呼朋友。Cory今日接受《蘋果》訪問,最初佢猛問邊個Thomas,又話自己識好多個Thomas,佢話:「係咪大整蠱呀?我冇印象喎?唔好嚇我呀,我受唔到咁多打擊。我唔係成日出去玩,點知一出就遇到呢啲嘢。」不過Cory睇完啲相之後就話:「Thomas係我朋友,識咗好耐,嗰晚係幫我慶祝生日,嗰陣我係整蠱話好鍾意佢,搞到佢好驚咪猛避我。」咁係咪向Thomas求愛?佢話:「我梗係唔會鍾意佢,佢都唔係鍾意我嗰類型,我寧願同李思捷一齊,不過有冇機會發展真係唔知,了解吓先。」

(讀者黃先生提供圖片) Cory向男人獻吻。 (讀者黃先生提供圖片) (讀者黃先生提供圖片)
黃先生話Cory肯定唔可以去玩。 (讀者黃先生提供圖片) (讀者黃先生提供圖片) 仲有抱抱。 (讀者黃先生提供圖片)
(讀者黃先生提供圖片)

鍾意就快D Share啦!
Related Posts Plugin for WordPress, Blogger...