網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月28日 星期日

卓韻芝棟篤騷宣佈出櫃 __,卓韻芝,

卓韻芝棟篤騷宣佈出櫃過往身邊男友如聯合國的卓韻芝,性向突然急轉彎,於前晚旺角舉行的棟篤笑上自爆出櫃,目前正與圈外女友交往,更指對方有前來捧場。對於性向轉變,阿芝揚言自己亦不明所以,但就自爆:「其實細個都有暗戀過女同學,不過我都係一個媾唔到女嘅雙性戀者。」對外婆開明支持,阿芝直言感動到喊。■卓韻芝前晚在棟篤笑騷上突然宣佈出櫃,自爆與女生拍拖。■阿芝前晚開騷全場爆滿,她透露圈外女友亦有前來捧場。■阿芝 ...


卓韻芝棟篤騷宣佈出櫃

過往身邊男友如聯合國的卓韻芝,性向突然急轉彎,於前晚旺角舉行的棟篤笑上自爆出櫃,目前正與圈外女友交往,更指對方有前來捧場。對於性向轉變,阿芝揚言自己亦不明所以,但就自爆:「其實細個都有暗戀過女同學,不過我都係一個媾唔到女嘅雙性戀者。」對外婆開明支持,阿芝直言感動到喊。



■卓韻芝前晚在棟篤笑騷上突然宣佈出櫃,自爆與女生拍拖。



■阿芝前晚開騷全場爆滿,她透露圈外女友亦有前來捧場。



■阿芝外婆也是座上客,對孫女出櫃笑言冇所謂。

繼黃耀明、何韻詩和王賢誌後,現年37歲的卓韻芝前晚亦宣佈出櫃,由於過往阿芝先後跟樂隊Mr.成員MJ及法、德籍男友交往,今次性向急轉彎,難免令人感到極意外。

阿芝前晚於旺角麥花臣場館舉行首場「風大雨大One Night Stand」棟篤笑,彭浩翔、林日曦、卓韻芝外婆、毛記電視的東方昇和專家Dickson等均有捧場。席間阿芝除寸盡689外,更突然自爆與一女子拍拖,她說:「有晚我幫阿婆摺衫,我同佢講其實嗰個女仔朋友係我女朋友,阿婆就即刻話:『吓,佢冇棍喎。』我話如果佢有兩條棍仲驚,阿婆就同我講:『呢個年代冇乜所謂啦。』阿婆咁講我好感恩,嗰刻我先發現阿婆做人個層次同程度。」



【09年 戀MJ】

■MJ早年跟阿芝拍拖期間,曾被發現到便利店買安全套。資料圖片



【12年 嗒法男】

■阿芝2012年跟法籍男模拍拖時,曾流出親熱床照。資料圖片



■阿芝在大會播出的短片中,穿上黑bra力谷上圍。



■當年跟阿芝合作拍攝電影《出埃及記》的彭浩翔也有前來捧場。

自嘲媾唔到女

完騷後阿芝接受傳媒訪問,透露女友前晚也有前來捧場,二人只是交往了一段時間,她說:「不過識就識咗好耐,唔係圈內人。」問何以在棟篤笑上自爆時,阿芝說:「都唔係話專登要自爆,但我諗唔到第二件事可以代表我對婆婆嘅尊敬,我覺得佢嘅器量真係好厲害,我當日真係感動到喊。」可有帶女友見外婆?阿芝說:「本身係識嘅,所以都冇需要去隱瞞。」

問性向何以突然急轉彎,阿芝說:「真係唔知,其實都識咗好耐,覺得可能係鍾意佢,我當然係覺得佢好靚,其實細個都有暗戀過女同學,不過我都係一個媾唔到女嘅雙性戀者,緣份係咁,順住去囉。」有關表白過程,阿芝形容是「驚驚哋」,她笑說:「即係話『我好似鍾意咗你』嗰啲。」她又謂不擔心日後被傳媒拍到照片說:「都冇乜所謂喇,學婆婆咁,總之唔好咁多煩惱,我哋有何韻詩頂住。」

盧凱彤讚大膽

阿芝在棟篤笑騷上大講政治話題,指689漠視民意,又借阿婆收衫說:「衫自己收,人等天收。」阿芝甚至直言希望黎明做特首說:「佢(黎明)帳篷都冇埋,佢道歉、承擔、轉危為機,呢三樣正正係香港最需要嘅。做特首要講好多金句,黎明含金量高好多。黎明知道核心有外圍,係有人喺外圍支持內圍㗎,係第一個解得通核心價值嘅人。」



■盧凱彤昨讚阿芝大膽,認為現時社會風氣漸漸開放。

此外,盧凱彤昨日在朗豪坊舉行音樂會,對於阿芝出櫃,她說:「好大膽,𠵱家大家風氣漸開放,多謝明哥(黃耀明)做先鋒。」

採訪:盧妹、王連連

攝影:陳慧安


鍾意就快D Share啦!


Related Posts Plugin for WordPress, Blogger...