2016年8月13日 星期六

《使徒行者》票房報捷 釘姐感激觀眾支持 __,

古天樂(左起)、張家輝、許紹雄及佘詩曼對《使徒行者》票房報捷感到振奮。古天樂、張家輝、吳鎮宇與佘詩曼主演電影《使徒行者》,昨於中港兩地同步上映,票房成績相當不俗,香港全日錄得HK$1,104,260,內地票房全日則總計已超過人民幣六千萬!眾演員聽到此消息後均表示欣喜,張家輝說:「可以拍到一部戲係觀眾都鍾意,就已經心滿意足。今次又去巴西又同古仔超友誼關係咁款,都拍得有血有汗㗎!當然希望觀眾繼續支持, ...


古天樂(左起)、張家輝、許紹雄及佘詩曼對《使徒行者》票房報捷感到振奮。

古天樂、張家輝、吳鎮宇與佘詩曼主演電影《使徒行者》,昨於中港兩地同步上映,票房成績相當不俗,香港全日錄得HK$1,104,260,內地票房全日則總計已超過人民幣六千萬!眾演員聽到此消息後均表示欣喜,張家輝說:「可以拍到一部戲係觀眾都鍾意,就已經心滿意足。今次又去巴西又同古仔超友誼關係咁款,都拍得有血有汗㗎!當然希望觀眾繼續支持,入場睇多幾次」

古天樂說:「聽到個票房成績唔錯,都開心,希望票房愈來愈好,然後可以搵機會同成班工作人員台前幕後慶祝一下。」鎮宇說:「一直忙緊自己部新戲,已經盡量抽時間去做呢套戲嘅宣傳,聽到有好成績當然開心。好耐冇拎槍拍戲,今次拍番都覺得好爽。」

而拍完電視版再拍電影版的「釘姐」阿佘則表示:「可以延續釘姐呢個角色去到電影版,我自己都好開心,好開心觀眾會繼續買飛入場支持。我相信入得場嘅觀眾都唔會失望,期待電影快啲有慶功同埋多謝觀眾鍾意Q SIR同釘姐。」

而同樣參與了電視與電影版的「歡喜哥」許紹雄得知票房成績,都表示開心:「呢幾日我同阿佘不斷喺大陸做宣傳,全部觀眾睇完都好熱情。每個地方嘅觀眾都好鍾意,我見到咁嘅反應都好開心。」

阿佘笑言:「作為演員,再用心也需要有發揮角色才能展現畀觀眾睇,所以好感激Jazz(監製文偉鴻)當初畀釘姐我去演,最感動是從這十天宣傳活動,走勻香港內地多個城市,見到每一處觀眾支持,好似他們都陪住釘姐成長,見證住一關又一關,心裏面衷心感激他們,拍攝時再辛苦也是值得,近年有這呢個角色都幾無憾。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...