2016年8月12日 星期五

阿女同男友分手 葉玉卿日日喊勁傷心 __,葉玉卿,

葉玉卿仲傷心過阿女呀!一代性感女星葉玉卿自1996年下嫁美籍商人胡兆明後,便退居幕後到美國生活,並誕下大女胡芷欣(Victoria)、次子胡可聰及細仔胡以聰,一家人五口樂也融融。專心相夫教子的卿卿除協助丈夫打理生意外,近年更將全副精神放在子女及家庭上。覺得阿女夠成熟葉家有女初長成,想不到卿卿要面對今年17歲的Victoria感情問題。兩年多前女兒Victoria與日韓混血同學Chris初嘗拍拖滋味 ...


葉玉卿仲傷心過阿女呀!

一代性感女星葉玉卿自1996年下嫁美籍商人胡兆明後,便退居幕後到美國生活,並誕下大女胡芷欣(Victoria)、次子胡可聰及細仔胡以聰,一家人五口樂也融融。專心相夫教子的卿卿除協助丈夫打理生意外,近年更將全副精神放在子女及家庭上。

覺得阿女夠成熟

葉家有女初長成,想不到卿卿要面對今年17歲的Victoria感情問題。兩年多前女兒Victoria與日韓混血同學Chris初嘗拍拖滋味,雖當時卿卿十分緊張但仍開綠燈學會接受,更對Chris讚不絕口,惟老公則「呷醋外父」上身,坦言不希望年輕輕的Victoria拍拖。怎料近日Victoria向卿卿透露已與Chris分手,令卿卿更為緊張和擔心,她越洋接受《東網》訪問時謂:「因為女兒要專心學業,要專注入大學所以難免令感情方面淡咗,個女係覺得唔想再有男朋友住,佢覺得遲早都唔係一齊架啦,因為佢哋跟住都讀大學,見面都會少咗。」卿卿表示女兒與Chris之間雖沒有了男女朋友的感覺,但還是好朋友,並大讚女兒:「佢算係成熟,起碼好過我。」

似冇咗半邊仔

Victoria「初戀難忘、初次心痛」,想不到原來女兒傷心之情,卿卿亦能感受得到,更自言對於女兒分手一事加倍傷心,皆因Chris學業成績好,卿卿更視對方為半邊仔,難以接受二人分手,令她每晚垂淚,她無奈地說:「我仲傷心過佢,我真係Double Heart Break,晚晚喊呀!因為Chris好似係半邊仔咁,所以我好為佢傷心,但感覺冇咗就冇咗。」

卿卿指十分留意和關心Chris的心情,指Chris父母曾帶他見心理顧問來度過失戀難關,她說:「佢哋一齊超過兩年,Chris成日嚟我屋企同旅遊,變咗建立咗感情,好似一家人咁,再加上我哋有規矩,佢哋都有守到,所以我對呢個男仔好有好感,係君子,唔係壞嘅男仔。阿Chris都好慘,好難接受,我女日日都有text(訊息)佢。我知Chris父母帶佢去心理顧問,協助佢過度。佢學業成績好好,我唔想影響到佢。」

勸大學畢業先再拍拖

卿卿對Victoria失戀一事,雖大為緊張及擔心,但老公胡兆明卻表現淡然,卿卿說:「我老公就梗係冇乜嘢,佢本來都唔贊成個女拍拖。」卿卿表示十分支持和尊重Victoria分手的決定,她說:「當年我讀完女校出黎,到十八歲先初戀。當時我媽媽反對,但我都冇聽從,仲撲去個男仔度,當年都激親媽媽。最終我哋一年後都係分手收場,然後先知母親嘅說話係啱嘅。」卿卿更提議女兒完成大學課程才再次投入戀愛,她說:「我就同佢講,唔想佢再談戀愛,自己又hurt又hurt到人,起碼要完成咗大學先可以認真去戀愛。加上佢錯過咗幾年同朋友嘅時間,全部時間都係畀晒阿Chris,阿Chris又畀晒啲時間佢,可能佢依家呢個決定係啱,我覺得佢完全係做得啱,不過傷心係難免囉。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...