掃呢頁CODE去手機

2016年8月22日 星期一

陳瀅:【畀陳瀅出賣咗】劉佩玥拖伍允龍見姊妹 __,陳瀅,劉佩玥,伍允龍,

望真啲,都幾襯吖!如果將武打男星伍允龍(Philip)同陳凱琳(Grace)、陳瀅、何雁詩、賴慰玲等女女放埋一齊,係咪摸唔清佢哋究竟有咩關係?但如果,喺呢班人入面再放多個劉佩玥(Moon),就完全唔同講法喇!眾所周知,伍允龍同劉佩玥因為拍無綫劇集《城寨英雄》傳出緋聞,兩人喺劇中分別飾演貼身保鏢「龍成虎」同有米大小姐「柯德莉」,因日對夜對最後擦出愛火花。但原來喺現實中,伍允龍都係劉佩玥嘅「保鏢」嚟㗎 ...


望真啲,都幾襯吖!

如果將武打男星伍允龍(Philip)同陳凱琳(Grace)、陳瀅、何雁詩、賴慰玲等女女放埋一齊,係咪摸唔清佢哋究竟有咩關係?但如果,喺呢班人入面再放多個劉佩玥(Moon),就完全唔同講法喇!眾所周知,伍允龍同劉佩玥因為拍無綫劇集《城寨英雄》傳出緋聞,兩人喺劇中分別飾演貼身保鏢「龍成虎」同有米大小姐「柯德莉」,因日對夜對最後擦出愛火花。但原來喺現實中,伍允龍都係劉佩玥嘅「保鏢」嚟㗎!好似尋日咁,兩人孖住出席完《城寨英雄》宣傳活動後(提提大家:兩人襯晒情侶裝),就撇甩同劇演員,一齊去咗……劉佩玥一班好姊妹嘅gathering!

尋晚陳瀅、陳凱琳、何雁詩、糖妹(黃山怡)、賴慰玲等人就搞咗個gathering,劉佩玥都有出席,仲帶埋伍允龍去添!雖然一班靚女初時淨係晒出幾張姊妹合照,伍允龍連影都見唔到,但唔知陳瀅係咪因為太興奮嘅關係,一時大意喺Instagram晒出一段學八極拳嘅片,搞到伍允龍唔小心曝光咗!片中陳瀅興致勃勃咁問伍允龍同劉佩玥點打八極拳,跟住伍允龍就搞笑咁話:「好似聽電話咁就得喇!」之後陳瀅擺出聽電話手勢,伍允龍同劉佩玥就同步地做出打功夫甫士chok影合照,好有默契咁啵!

其實伍允龍同劉佩玥之前出席《城寨英雄》演員搞嘅飯局時已經黐到實一實,近日又成日孖住做宣傳,話你哋冇嘢都好難令人信服囉!


來源 source: http://hk.on.cc
鍾意就快D Share啦!