網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月4日 星期四

【動畫】【獨家】不甘余詠珊「有線幫」入主《東張》 陳倩揚發聲後收封殺令 無聲約滿 __,倩揚,余詠珊,陳倩揚,

今時今日,仲有咩人會話:「你都生咗BB、做咗媽咪啦,你可以唔使咁搏吖!」以下真人真事。發生喺某位前《東張西望》女主持身上。該名女主持已婚,有兩個B。一個5歲,一個1歲。生完第二個B之後,女主角被調出《東張》。「革走」之前,該名人妻兼人母主持曾與公司高層傾續約,最後不歡而散:「冇大吵大鬧,佢哋有同我傾續約,只係大家方向唔啱,咪走囉。」咁知道自己「衰乜」?「佢(無綫高層)又冇咁講。我一直係安守本份嘅小 ...




其他影片:>>






今時今日,仲有咩人會話:「你都生咗BB、做咗媽咪啦,你可以唔使咁搏吖!」以下真人真事。發生喺某位前《東張西望》女主持身上。

該名女主持已婚,有兩個B。一個5歲,一個1歲。生完第二個B之後,女主角被調出《東張》。

「革走」之前,該名人妻兼人母主持曾與公司高層傾續約,最後不歡而散:「冇大吵大鬧,佢哋有同我傾續約,只係大家方向唔啱,咪走囉。」

咁知道自己「衰乜」?「佢(無綫高層)又冇咁講。我一直係安守本份嘅小職員,佢哋話想換新面孔同轉吓模式。唯一可以講,係佢哋覺得生咗BB、做咗媽咪,你都可以唔使咁搏吖!」事件主角係陳倩揚。* * * * * *32歲的陳倩揚,08年港姐亞軍。

2009年3月開始主持《東張西望》。

2010年拍第一個劇《天天天晴》。

2015年12月30日主持完最後一集《東張》後,無聲消失。

2016年8月3日,即噚日,喺大台last day。08年港姐亞軍陳倩揚喺去年12月30日主持完最後一集《東張西望》後,就好似無聲無氣咁消失咗,8月3日係倩揚喺大台返工嘅最後一天,早上帶埋大仔陳羲廷(Auryn)一齊返公司交證兼同TVB Buddy影相,紀念自己喺一間公司做咗足足7年咁耐。陳倩揚一直都係《東張》老臣子,未卸任已經做《東張》主持;但兩年前佢陀住細仔時,疑因發福,被公司高層勒令提早放產假,跟住傳媒踢爆有人想踢走佢,引起廣大迴響,有指無綫喺輿論壓力下,先唔敢換走倩揚。但至今年初,無綫高層余詠珊要起用有線幫,即陳貝兒、區永權、李潤庭等,故「老臣子」陳倩揚、黎芷珊、麥雅緻等統統冇得留底。陳倩揚疑心灰意冷,突然喺fb爆seed留言﹕「一朝天子一朝臣,你懂的。」承認自己係權鬥下的犧牲品。陳倩揚肯肯肯肯定不是羅家英嘅level、可以喺微博拋一句「何況梁系(無綫電視製作部戲劇製作總監梁家樹)已飄蓬葉落,你明白的。」以安慰阿姐、撫其痛失視后俾當時仲係「一劇主角」嘅胡定欣。羅家英嘅「你明白的」同陳倩揚「你懂的」本性無分別,但殺傷力竟然是後輩陳倩揚「更勝一籌」……據聞不少劇集同綜藝節目監製都收到通知,不得錄用陳倩揚,所以這近半年,陳倩揚開工率極低,只在劇集《完美叛侶》演出兩場閒角,及在《與諜同謀》做羅嘉良前妻,加埋唔夠10場戲。噚晚倩揚接受《蘋果》電話訪問,被問到係咪被封殺?佢話﹕「我冇聽過,呢大半年都專注讀芳香療法同網上教人煮餸。(係咪少咗工作?)呀……咁呢個都係事實,只係客串兩個劇。」問有冇不捨?佢話﹕「一定有啲啦,同囝囝喺canteen食嘢時,見番手足同事,記番好多以前啲嘢,不過大個女要向前看嘛,之後工作都排到明年2月。」陳倩揚日前喺九龍灣做訪問,透露未被「革走」前,亦有與公司高層傾續約,可惜最後仍不歡而散。陳倩揚話﹕「其實又冇大吵大鬧,佢哋有同我傾續約,只係大家方向唔啱,咪走囉。(知道自己衰乜?)佢又冇咁講,我一直係安守本份嘅小職員,佢哋話想換新面孔同轉吓模式。咁我都明白,冇一份工永遠係你,分手唔開心,但都要move on囉。唯一可以講,係佢哋覺得生咗BB、做咗媽咪,你都可以唔使咁搏吖!唯一呢個係我唔太認同,香港咁多職業女性都要湊仔,唔通個個都唔應該返工呀?!」場地﹕I's Land Cafe

攝影:陳志嵐 《東張》時代的陳倩揚 羅家英喺微博拋一句「何況梁系(無綫電視製作部戲劇製作總監梁家樹)已飄蓬葉落,你明白的。」以安慰痛失視后的阿姐。
陳倩揚以「一朝天子一朝臣,你懂的。」承認自己係權鬥下的犧牲品。 結果,陳倩揚「被退出」。 Ada…
「佢哋話想換新面孔同轉吓模式。咁我都明白,冇一份工永遠係你,分手唔開心,但都要move on囉。唯一可以講,係佢哋覺得生咗BB、做咗媽咪,你都可以唔使咁搏吖!」 離開大台,陳倩揚說:「大個女要向前看嘛,之後工作都排到明年2月。」
今年暑假舉家到台灣旅行 家人就是陳倩揚力量的來源

鍾意就快D Share啦!


Related Posts Plugin for WordPress, Blogger...