掃呢頁CODE去手機

2016年8月18日 星期四

【佢有天眼通】阿嬌宿世情人李泳漢選立法會 派傳單冇人識 __,阿嬌,李泳漢,鍾欣潼,

李泳漢選立法會?鼎爺個仔嗰個李泳漢?同阿嬌有宿世姻緣嗰個李泳漢?今年初奉子成婚做老竇嗰個李泳漢?係!咁佢選邊區?同青年新政游蕙禎同一區——九龍西,夥拍前泛民人士符偉樂一齊報名。李泳漢no.14。報稱獨立人士,職業係演員及電影製作,前人民力量成員。其立場包括:特首梁振英連任:✗撤回人大831:✓港獨立場:✗港人自決前途:✓新一屆立會為23條立法:✗取消TSA:✓九龍西選區,地方細細,同樣七國咁亂,呢 ...




其他影片:>>






李泳漢選立法會?

鼎爺個仔嗰個李泳漢?

同阿嬌有宿世姻緣嗰個李泳漢?

今年初奉子成婚做老竇嗰個李泳漢?

係!

咁佢選邊區?

同青年新政游蕙禎同一區——九龍西,夥拍前泛民人士符偉樂一齊報名。李泳漢no.14。報稱獨立人士,職業係演員及電影製作,前人民力量成員。其立場包括:

特首梁振英連任:✗

撤回人大831:✓

港獨立場:✗

港人自決前途:✓

新一屆立會為23條立法:✗

取消TSA:✓九龍西選區,地方細細,同樣七國咁亂,呢期主力係游蕙禎BB被圍攻,所以難免備受冷落,喺一眾演技派(不點名)當中明顯輸蝕。日前(15號)商台舉行九西候選人論壇,經民聯嘅梁美芬點咗李泳漢個名,指對方對佢蹹嘅「懲罰選民論」係誤解;喺佢主場嘅環節更要求李泳漢幫佢拉票:「將你啲支持者,全部支持番我,因為你被人誤導,你了解至發覺我哋其實好好,對年輕人好關心。」李泳漢做過童星,近年間中都有幫無綫拍劇,又曾為有線主持節目,面對鏡頭冇難度,觀眾亦肯定對佢有印象,但呢幾年李泳漢真係脹得好緊要,即使落區派傳單,街坊都反應不大。不過李泳漢冇放棄,繼續笑笑口派,以親民取勝。其實李泳漢五年前話過選區議員,最後唔知咩原因冇選。今次出戰九龍西,自認有通天眼(定天眼通?)睇到自己同阿嬌有宿世姻緣嘅佢,睇唔睇到自己拎唔拎得番啲保證金?

九龍西候選名單:

蔣麗芸、梁美芬、狄志遠、黃碧雲、毛孟靜、譚國僑、黃毓民、吳文遠、劉小麗、朱韶洪、何志光、李泳漢、林依麗、關新偉、游蕙禎

( http://hk.apple.nextmedia.com/legco2016/region )

李泳漢選立法會出戰九龍西,對手之一係游蕙禎BB。
年初小登科奉子成婚
2011年參演大台劇集《怒火街頭》

鍾意就快D Share啦!