許廷鏗同欣宜舉行音樂會，唱到勁肉緊，表情同啲歌一樣正呀！
歌手鄭欣宜與許廷鏗（Alfred）在天台舉行以沙灘為主題的音樂會，胡鴻鈞及丁子高亦有到場支持。穿上白色透視袍的欣宜內裏是一件黑色泳衣，不經意地大 曬肉腿！而Alfred卻穿T-Shirt加長褲來到，即被欣宜形容為「最fail的沙灘裝」！問到Alfred說好的短褲呢？他說：「我有帶短褲嚟嘅。 （會換？）睇徇眾要求囉。」又笑言內裏穿了泳褲。問到是否怕露肉？他否認，並笑謂：「我唔著西裝已經好畀面㗎喇。」又指希望大家是留意他唱歌，而不是他的 腳。而欣宜亦笑言會否脫掉面衫要視乎觀眾反應，Alfred即說：「你除嘅話我怕我會唱唔到喎。」欣宜說：「你有咩大場面未見過呀！」
粉絲聚集喺天台度聽歌！
「小廷鏗」夠大？
問 到兩人可曾一起到沙灘？他們即指上次來視察場地時被傳媒拍到，欣宜更說：「我哋有嬉水嘅，之後我入錯咗男廁沖腳，我捽緊腳嘅時候就見到有DV影緊我。」欣 宜又透露今次演出算是一個小熱身，因為她十月將在九展舉行首個賣飛騷。問到Alfred屆時可會穿泳褲支持好友欣宜？欣宜加把嘴說：「你可以著條泳褲喺出 面。」Alfred即說：「超人咩，人哋有版權㗎。」欣宜就提議他穿黑色泳褲，因黑色可以顯瘦，Alfred聞言笑說：「我嗰度唔使瘦。」
音樂會以沙灘為主題，欣宜就好有誠意喇，入面著咗黑色泳衣㗎！
大騷肉腿，仲唔係暴風女神？
許廷鏗高潮又落淚
雖 然音樂會上兩人並未有換上短褲及除衫，但他們的演出充滿著笑與淚！許廷鏗更唱得非常肉緊，從後攬實欣宜，七情上面，露出高潮眼，非常投入！除了互窒外，二 人又大曬溫情，當欣宜唱出《Children Song》時，Alfred突然感觸落淚，他解釋有時在娛樂圈會有孤單的時候，之後就哽咽唱出《十字架》。
丁子高（黑衫者）都嚟撐場！
欣宜爆喊
而 欣宜唱《女神》時，Alfred提到欣宜兩年前曾有退出娛樂圈的念頭，他說：「好彩你冇放棄，先有今日嘅騷同呢首歌。」之後又叫全場觀眾一起唱歌曲的最後 一段送給欣宜。另外他更送上自己畫作，令事前不知情的欣宜感動爆喊。去到個唱尾聲，林欣彤突然驚喜現身，三人更將近日網上瘋傳的洗腦歌《雞，全部都係雞》 改為《豬，全部都係豬》，相當爆笑。
佢哋兩個真係好有愛呀！
許廷鏗仲突然感觸落淚！
許廷鏗向欣宜送驚喜！
今次到欣宜喊喇！
唱到聲嘶力竭！
再嚟一個深情抱抱！
終於嚟到高潮喇～
許廷鏗肉緊攬實欣宜！
欣宜又交足戲，見唔見到？見唔見到？見唔見到許廷鏗個樣？
好友林欣彤都嚟支持！
仲將熱爆歌《雞，全部都係雞》改做《豬，全部都係豬》！
胡鴻鈞
Wow～一件頭泳衣若隱若現！
許廷鏗呢個Look真係好有誠意……
|
鍾意就快D Share啦！
|
|
|