掃呢頁CODE去手機

2016年8月26日 星期五

【素顏人妻Kay勁貼地】同張繼聰嘆大埔墟蔡潤記 搭枱冇詐型 __,Kay,張繼聰,繼聰,謝安琪,

張繼聰噚日被《蘋果》發現拖實暫休嘅老婆謝安琪(Kay)現身大埔墟,走去咗蔡潤記醫肚。入到去,張繼聰同KayBB好似其他食客咁坐喺圓枱醫肚,仲同其他搭枱嘅食客有傾有講,有唔少店員同食客對佢哋指指點點,亦有人要求集郵影合照,佢哋都全冇sayno。喺等嘢食嚟期間,KayBB好體貼咁為老公裝定調味料,而張繼聰就玩咗一陣手機,間唔時show畀老婆睇。睇番啲網上食評,話嗰間舖頭最出名係魚蛋粉麵,而佢嘅辣椒油亦 ...




其他影片:>>






張繼聰噚日被《蘋果》發現拖實暫休嘅老婆謝安琪(Kay)現身大埔墟,走去咗蔡潤記醫肚。入到去,張繼聰同Kay BB好似其他食客咁坐喺圓枱醫肚,仲同其他搭枱嘅食客有傾有講,有唔少店員同食客對佢哋指指點點,亦有人要求集郵影合照,佢哋都全冇say no。喺等嘢食嚟期間,Kay BB好體貼咁為老公裝定調味料,而張繼聰就玩咗一陣手機,間唔時show畀老婆睇。睇番啲網上食評,話嗰間舖頭最出名係魚蛋粉麵,而佢嘅辣椒油亦係好出色,好多捧場客,而且蔡潤記慢工出細貨,有食客話等15、20分鐘係正常,等半個鐘都試過。而且蔡潤記賣晒啲嘢就收檔,每日大概下晝3點左右就收工,想食好西嘅朋友,真係要襯早。

Kay BB係賢妻,幫老公裝定啲調味料,相信係蔡潤記最出名嘅辣椒油。(攝影:徐錦池、吳耀輝) 女神Kay BB一身白好有仙氣,但佢堅‧貼地,唔介意搭枱食嘢。
張繼聰夫婦同同枱食枱勁好傾。 啲人走晒,嘢食又未嚟,張繼聰撳咗一陣電話,Kay BB都係喺側邊望吓。 資料圖片

鍾意就快D Share啦!