掃呢頁CODE去手機

2016年8月31日 星期三

《港姐任你Like》:Daisy成第一階段票后 __,港姐,

第一階段「巴絲心水」票數出爐喇!第一係代蓮曦丹美,第二係單文柔,第三係馮盈盈!《東網巨星》為年度盛事《2016香港小姐競選》喺Facebook舉辦《港姐任你Like2016》投票,畀大家選出心水佳麗,而第一階段投票結果終於出爐喇(截至晚上7時)!第一階段嘅票后係(4)代蓮曦丹美(Daisy)呀!第一階段投票初段,Daisy嘅得票數其實麻麻,係連三甲都不入,去到第三日,佢嘅票數以幾何級數上升,揮低其 ...




其他影片:>>






第一階段「巴絲心水」票數出爐喇!第一係代蓮曦丹美,第二係單文柔,第三係馮盈盈!

《東網巨星》為年度盛事《2016香港小姐競選》喺Facebook舉辦《港姐任你Like2016》投票,畀大家選出心水佳麗,而第一階段投票結果終於出爐喇(截至晚上7時)!

第一階段嘅票后係(4)代蓮曦丹美(Daisy)呀!第一階段投票初段,Daisy嘅得票數其實麻麻,係連三甲都不入,去到第三日,佢嘅票數以幾何級數上升,揮低其他佳麗,之後嘅日子,佢都獨占鰲頭長期霸住第一名寶座!

而第二名就係(10)單文柔(Phoebe)!佢嘅票數一直都唔差,頭兩日仲係第一名,之後亦曾跌出三甲位置,睇嚟大家都好喜歡佢!但可惜Daisy實在太強,Phoebe只可以屈居亞軍!

第三名就係(6)馮盈盈呀!佢喺截票前幾日都仲係第四名架咋,可能最尾投票日,佢真係call爆親朋瘋狂拉票,成功揮低(5)蘇韻姿,拎到第三!另外,馮盈盈仲拎埋「瀏覽王」稱號,佢嘅短片喺十位佳麗當中最多人睇架!

第一階段「巴絲心水」就圓滿結束啦,而第二階段「拉票各出奇謀」嘅投票已經開始咗喇!大家快啲去睇睇佢哋嘅拉票片

【第二階段「拉票各出奇謀」連結】

http://goo.gl/XlVo1c

第一階段「巴絲心水」名次如下:

1.(4)代蓮曦丹美

2.(10)單文柔

3.(6)馮盈盈

4.(5)蘇韻姿

5.(1)關可欣

6.(2)劉穎鏇

7.(3)張寶兒

8.(8)阮嘉敏

9.(7)陳雅詩

10.(9)陳睿雯


來源 source: http://hk.on.cc
鍾意就快D Share啦!