Ali奧運做live雖然好大壓力，但收視保捷，咩都抵番晒！小編就完全睇唔出你驚驚喇。
藝人李佳芯（Ali）出席TVB奧運節目收視祝捷會，她直言對收視滿意，並指愈來愈適應做Live主持：「開頭唔係太熟，依家一日比一日順，心跳冇咁快，之前講句嘢都狂心跳，估唔到咁驚，大家見唔到咋！（有冇通宵睇賽事？）有呀！爆晒瘡，不過四年一次都抵！（最難忘咩賽事？）李慧詩發生意外嗰次，好擔心，好彩佢冇事，有信心佢愈來愈好，可以拎番面金牌！」
爆出埠開工曾失竊
講到在巴西採訪的麥明詩被偷錢，李佳芯表示雖然未去過巴西，但之前亦試過出埠開工時失竊，她說：「之前坐船去南極開工，畀人偷咗200蚊美金，但佢好醒，冇一次偷晒，淨番部分畀我，所以我冇即時發覺唔見錢，之後先知道有職員可以隨意入我哋房。其實原本我啲錢就放喺篋入面個袋，但冇鎖篋，所以之後要小心啲記得鎖篋。」
來源 source: http://hk.on.cc
|
鍾意就快D Share啦！
|
|
|
