網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月5日 星期五

林穎彤萌爆孖辮Look升呢女神 __,女神,林穎彤,

林穎彤憑住佢呢個孖辮清純可愛Look,火速升呢做宅男女神。近日熱播嘅無綫新劇《城寨英雄》搵咗好戲之人陳展鵬、胡定欣、袁偉豪等演出之外,仲搵埋好打得嘅伍允龍同元秋齊齊維護城寨嘅和平。牡丹雖好都要綠葉扶持,劇中除咗幾位主角使出真功夫,打得精彩好睇外,一眾配角嘅演出都值得細味一番,當中飾演理髮店員工李懷鑫(林穎彤飾)嘅演出更加令人眼前一亮。佢包包面,一雙大大嘅眼睛,雖然唔稱得上大美人,不過獲唔少網民大讚 ...


林穎彤憑住佢呢個孖辮清純可愛Look,火速升呢做宅男女神。

近日熱播嘅無綫新劇《城寨英雄》搵咗好戲之人陳展鵬、胡定欣、袁偉豪等演出之外,仲搵埋好打得嘅伍允龍同元秋齊齊維護城寨嘅和平。

牡丹雖好都要綠葉扶持,劇中除咗幾位主角使出真功夫,打得精彩好睇外,一眾配角嘅演出都值得細味一番,當中飾演理髮店員工李懷鑫(林穎彤飾)嘅演出更加令人眼前一亮。佢包包面,一雙大大嘅眼睛,雖然唔稱得上大美人,不過獲唔少網民大讚「小可愛」。劇中嘅鑫鑫紮起孖辮清純可愛到爆,同現實中佢嘅「小可愛」形象相當配合,火速成為宅男心目中嘅女神。

劇中受盡凌辱

不過林穎彤喺劇入面嘅命運勁慘情,畀惡霸夏滿(李嘉飾)睇中,成日走去理髮店對佢毛手毛腳,受盡凌辱。尋晚嗰集(第三集)佢仲畀佢嘅爛賭獸父當人球,賣咗畀夏滿償還賭債。之後鑫鑫嘅命運繼續坎坷,被禁錮喺窄小嘅鐵籠入面,畀人係咁恐嚇之餘,仲攞生雞蛋照頭淋。鑫鑫楚楚可憐嘅樣,即時搏得網民同情,大鬧個衰老竇冇人性,想打爆部電視,拉佢出嚟打咁話。之後鑫鑫仲差啲畀人污辱,好彩緊急關頭陳展鵬、胡定欣同伍允龍殺到,將佢由虎口入面救番出嚟。

鑫鑫早死網民嗌唔捨得

但係鑫鑫嘅慘情命運沒有最慘,只有更慘!有網民話過多幾集,佢就會畀人輪姦至死,有網民仲投訴:「鑫鑫咁快死…有無(冇)搞錯呀!點做編劇㗎,好嘅演員應該比(畀)多啲機會人哋。真後覺得好可惜,之後無(冇)機會見到佢,好唔捨得。」有網民則安慰道:「其實天下無不散之筵席,佢今次雖然演出好短暫,不過都得到唔少人注意,對佢嘅星途有好大幫助,我哋期待佢下一套作品」

網民有話兒

YXxipCnx Yexxh x Yan: 太可恶(惡)的爸爸啊!

Axprxil Cxxan xxan: 這套劇可以回看九龍城面貌,又可以認識以前生活態度點滴,又笑得又打得,仲有泰文學。好睇支持呀!

MagxxHx: 個衰老豆(竇)太無人性,好想打爆部電視,拉個佢出嚟打。

吳x兒: 鑫鑫老豆(竇)正人渣。


來源 source: http://hk.on.cc
鍾意就快D Share啦!