掃呢頁CODE去手機

2016年8月25日 星期四

【獨家有片】霸氣!man爆! 安志杰孭女拖老婆行街 恨死隔嚟咩! __,安志杰,

混血名模「警鐘胸」JessicaC.(JC)今年3月喺美國芝加哥為未婚夫安志杰(Andy),生咗個好可愛嘅囡囡Tessa後,佢哋一家三口六月就已經返咗香港,JC都好心急咁復出搵奶粉錢。(新聞連結:http://bit.ly/2bMMA5v)去年,JC懷有安志杰嘅BB嘅時候,男方就特別喺馬爾代夫安排一個好浪漫嘅求婚儀式,當時安志杰就話等BB出世後,先再補辦婚禮。(新聞連結:http://bit.ly ...




其他影片:>>






混血名模「警鐘胸」Jessica C.(JC)今年3月喺美國芝加哥為未婚夫安志杰(Andy),生咗個好可愛嘅囡囡Tessa後,佢哋一家三口六月就已經返咗香港,JC都好心急咁復出搵奶粉錢。(新聞連結:http://bit.ly/2bMMA5v )去年,JC懷有安志杰嘅BB嘅時候,男方就特別喺馬爾代夫安排一個好浪漫嘅求婚儀式,當時安志杰就話等BB出世後,先再補辦婚禮。(新聞連結:http://bit.ly/2bUXnxV )雖然婚禮仲未舉行,JC未正正式式咁榮升做安太,但佢哋一家三口就經常好Sweet咁係社交網放閃。噚日佢哋一家三口又出動喇!噚日下晝3點幾,爸爸安志杰孭住囡囡Tessa喺中環皇后大道中出現,見佢一臉慈父滿足樣,成個電影《湊仔刑警》入面嘅荷李活大隻佬雲迪素( Vin Diesel)咁。而JC就孭住奶粉袋,睇嚟好似好重咁,但JC見到咁得意嘅囡囡,完全唔覺得吃力之餘,仲好開心咁不時撩Tessa玩之餘,仲攞住手機,不停幫囡囡留住最美嘅一刻,所以話媽媽真係唔易做架,Tessa,記得要孝順父母呀!當時安志杰除咗孭住Tessa,仲手拎住一袋戰利品,另一隻拖住JC,好Man咁行去ifc方向,等過馬路時,JC突然就好肉緊走埋去錫咗Tessa一啖,但係阿女就好似唔係好受落,俾阿媽錫完就皺晒眉頭,有啲嬲嬲豬咁嘅樣。但阿媽就冇理喎,仲未夠喉,攞出手機係咁幫個女影相,而爸爸亦都好配合,有o氹囡囡笑俾JC影相,非常合拍。到達IFC後,佢哋就直接行咗去商場嘅大型超市,佢哋喺門口講咗幾句後,就各自分開行了。囡囡Tessa就照舊跟爸爸,而JC就攞埋袋戰品行,一個向左,一個向右咁行。

安志杰孭住囡囡,拖住JC,認真Man爆!(攝影:潘冠恩) 安志杰一家三口噚日喺中環行街街。 等過斑馬線時,JC好肉緊咁走去錫囡囡一啖。
JC仲不斷咁撩囡囡玩。 JC仲做埋攝影師,幫囡囡影相添! 行到去IFC,佢哋傾咗一陣。
跟住就分開行了。 今年六月,JC已經復出出席上海灘活動。 JC今年生日,有埋囡囡一齊慶祝。
JC一副有女萬事足模樣。 佢哋不時喺社交網上載幸福相。 佢哋不時喺社交網上載幸福相。
喺個沙灘到求婚,真係好浪漫架!

鍾意就快D Share啦!