樂壇校長譚詠麟（阿倫）一向重情重義，好友馬達昌（阿豬）離世前為阿倫推出限量版紀念紅酒，阿倫亦圓好友遺願，不計回報瞓身宣傳紅酒，更首度為紅酒拍攝網上版宣傳片。
去年是阿倫入行40周年大日子，其多年摯友馬達昌（ 阿豬）為他推出名為「Alan Tam 40th Anniversary-Golden Label」限量版及「Alan Tam 40th Anniversary-Silver Label」兩款紅酒，可惜紅酒推出時，阿豬突然離世！痛失摯友的阿倫收起傷痛，決定來幫亡友完成最後心願。
一個承諾 一種味道
他說：「阿豬當日係全心全意做呢隻酒，為自己、為家人、為咗我成個40周年Tour，瞓晒身去做。佢嘅離開，我知佢對太太有一個承諾，希望令佢太太嘅生活更加提升，係一家之主對太太、對女兒嘅一種責任感，係真正一種味道嚟。」
紅酒代表友誼
經過阿倫連月來落力推廣，兩款紅酒贏得一眾專業酒評家的高度評價，口碑不斷。今次阿倫再下一城為紅酒首次拍攝宣傳片，看得出他對朋友義無反顧。他說：「友情我覺得係細水長流，可以為對方付出好多嘢，有朋友曾經問我覺得咩係代表到友誼？呢樣嘢我諗咗好耐都諗唔到，但今時今日反而諗到，友誼竟然係一支紅酒可以代表到。」
青葱歲月‧逃學威龍
阿倫回憶與阿豬的青葱歲月，兩人是世交又是同班同學，經常穿過學校山邊的引水道做「逃學威龍」去睇戲。而阿倫開得口撐，當然是撐到底。原來阿倫入行40年都未拍過酒類廣告，今次拍紅酒宣傳片可說是第一次。他坦言為阿豬所做的一切都沒想過回報：「阿豬最初構想時係話會分番幾多幾多畀我，但今時今日鍾意點就點啦，斗零唔畀我我都OK，我一樣好開心㗎！依家嘅成果就係我最大收穫啦。」
場地：隆堡蘭桂坊酒店
Azure Restaurant Slash Bar
|
鍾意就快D Share啦！
|
|
|
