網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年8月8日 星期一

Pokemon:勁過渣馬! 幾百人維園喪跑到大坑捉啟暴龍 __,Pokemon,

啟暴龍,為咗你,我不惜喪跑。(香港突發事故報料區fb/設計圖片)啟暴龍呀!得番9分鐘咋!就係呢一句,幾百人夜麻麻喺維園狂奔,仲齊心過捉賊,精靈訓練員嘅世界,無玩嘅人係點都唔明。PokémonGO自從上月在香港上架後,熱潮席捲全港,為了捉精靈,成班人聚喺同一地方,呢啲畫面已屢見不鮮,昨晚數百人奔走,只為捉住啟暴龍的場面,再度在街頭上演,為玩遊戲咁搏命,難怪網民都忍唔住話「腦進水了」。有關片段上載至f ...


啟暴龍,為咗你,我不惜喪跑。(香港突發事故報料區 fb/設計圖片)

啟暴龍呀!得番9分鐘咋!就係呢一句,幾百人夜麻麻喺維園狂奔,仲齊心過捉賊,精靈訓練員嘅世界,無玩嘅人係點都唔明。Pokémon GO自從上月在香港上架後,熱潮席捲全港,為了捉精靈,成班人聚喺同一地方,呢啲畫面已屢見不鮮,昨晚數百人奔走,只為捉住啟暴龍的場面,再度在街頭上演,為玩遊戲咁搏命,難怪網民都忍唔住話「腦進水了」。

有關片段上載至facebook群組「香港突發事故報料區」,只見一大群人在拔足狂奔,當中更有8至9歲男童的蹤影,據貼主指,昨晚10時忽然有人大叫「啟暴龍呀!得番9分鐘咋!」之後在維園的數百名精靈訓練員,就立即向大坑奔走,唔講仲以為佢哋跑緊渣馬。

網民對呢班精靈訓練員的表現,似乎都唔多認同,有人認為Pokémon GO的樂趣不應該如此,不明白為何香港人「點解咁鐘意鬥快,鬥數值,乜都一窩蜂」。有網民就指,如果是投票站尚餘9分鐘關門,有大班人跑去投票,就「真係含淚拍手掌」。有人更揶揄,今次人數「仲多過7.1遊行」,仲衰衰哋講「一嗌即跑,乖過旺財」,直言如果「讀書有咁勤力就好」。


來源 source: http://hk.on.cc
鍾意就快D Share啦!