掃呢頁CODE去手機

2016年8月14日 星期日

政Whats噏:政Whats噏:卿姐找數 36年前吊帶look重現 __,

劉慧卿兌現承諾,今日着上36年前的珍藏吊帶裙出席活動,真係少啲自信都唔得。(葉華英攝)立法會議員劉慧卿三十多年前任職記者時,身穿吊帶背心進行採訪為人津津樂道。卿姐早前承諾會在離開議會前穿上同一條吊帶裙現身人前,但去到最後一日開會竟然走數,她今日終於兌現承諾,着吊帶裙同黨友出席活動,唔少街坊見到佢「搏到盡」都發出嘩嘩聲,有唔少人更駐足觀看,亦有人舉起大拇指讚好。卿姐話,首次着同一條裙現身已經係198 ...


劉慧卿兌現承諾,今日着上36年前的珍藏吊帶裙出席活動,真係少啲自信都唔得。(葉華英攝)

立法會議員劉慧卿三十多年前任職記者時,身穿吊帶背心進行採訪為人津津樂道。卿姐早前承諾會在離開議會前穿上同一條吊帶裙現身人前,但去到最後一日開會竟然走數,她今日終於兌現承諾,着吊帶裙同黨友出席活動,唔少街坊見到佢「搏到盡」都發出嘩嘩聲,有唔少人更駐足觀看,亦有人舉起大拇指讚好。

卿姐話,首次着同一條裙現身已經係1980年,要着番30幾年前件衫都唔係咁容易,她仲挑戰大家,話80年代件衫真係無邊個可以着得到,自稱好環保咁話。卿姐着起條裙顯得非常興奮,仲拉起條裙尾轉咗半圈添。

被問到着吊帶裙要唔要節食,她大叫「黐線」,反問「我好肥咩?」,又笑稱要同黨友今晚着吊帶裙去蘭桂坊,接觸吓唔同街坊。被問到咁多年如何保存呢條裙,卿姐話只係放喺衣櫃內,無特別方法保存,而且呢條裙都唔係咩嘢名牌,依家係夏天,穿起呢條吊帶裙感到特別涼爽。

※更多政經猛料、秘聞,請關注政Whats噏fb:

https://goo.gl/ndFQNz


來源 source: http://hk.on.cc
鍾意就快D Share啦!