「無綫男神」陳智燊（Jason）自同女朋友宋熙年公開戀情後，一直都喺網上大放閃光彈，愈愛愈高調嘅二人，早前仲已經入紙註冊結婚，而Jason仲好大口氣咁話會喺香港、澳洲同埋英國擺酒，雖然花費好大，但作為好老公嘅佢，話就算唔夠彈藥都要搞，仲話好開心又期待𠻹！
早排無綫鼓勵藝人拍多啲片放上網，呢對準陳氏夫婦就一齊開咗個YouTube Channel，除咗會拍一啲拍劇嗰陣嘅花絮之外，佢哋仲會合體拍一啲生活為主嘅片，好似宋熙年煲湯、拍拖同埋去超級市場掃貨等等，真係睇足全程，可能會畀佢哋嘅幸福閃到眼都盲！
零化妝gel頭夠貼地
先講宋熙年煲湯呢條片，喺澳洲長大嘅佢，估唔到都識得煲中湯，仲要係豆腐魚湯，步驟繁複唔在講，但最開心係莫過於Jason由頭到尾，喺廚房陪住宋熙年，仲要拍片兼做助手。無論拍片、洗嘢同擺食材落湯，全部都難唔到Jason。唔少網友都話發現Jason喺呢條片度夠晒貼地，皆因着住背心短褲嘅佢，冇Gel頭化妝之餘，仲要戴埋頭箍，同平時出活動嘅佢真係好唔同；不過網友一樣咁buy，話肯喺觀眾面前以真面目示人，陪住宋熙年做其背後嘅男人，第時一定係個好男人！
超市鬥嘴
至於另外兩條片，就係講佢哋去拍拖同超級市場買餸，唔知係咪兩個都喺外國長大，所以多數對答都係用英文多，網友就話好似睇緊佢哋做主持嘅《明珠生活》咁。雖然閃光彈真係有好多，但佢哋都會鬥吓嘴㗎，好似Jason喺超級市場入面寸宋熙年：「I think is今晚食穀種！」點知宋熙年冇嬲仲反應好快咁話：「If you were cooking，it will happen.（如果係你煮，一定會發生！）」唔少網友大讚宋熙年EQ夠高！
雖然拍拖同超級市場買餸睇嚟好似好簡單，但如果一個男人肯陪你濕平陪你買餸，真係十個都唔知有幾多個做到，所以網友都話宋熙年真係好幸福，搵到個靚仔又有風度又肯陪自己嘅老公，亦有網友話Jason都同樣幸福，因為搵到個入得廚房出得廳堂嘅老婆。
網友有話兒：
MxxA xxAI：好好睇呀，拍多啲，so sweet sweet !!!
Laxxn xng：Such a sweet pair！（真係甜蜜嘅一對！）
Waixxe Caxxick Wu：你哋真係天生一對，好襯!!
xxice Lxx：兩個真係好幸福，可以搵到咁好嘅另一半。
|
鍾意就快D Share啦！
|
|
|