網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月22日 星期四

《少女日記》吳美芝轉職治療師 幫過張栢芝蔡少芬關心妍 [壹週刊 - 1385] __,栢芝,張栢芝,蔡少芬,關心妍,M1,

娛樂偵訊《少女日記》吳美芝轉職治療師 幫過張栢芝蔡少芬關心妍楊凡執導的《少女日記》,曾被喻為本土偶像電影經典,但女主角吳美芝(Maygi)之後只多接了一部戲,18歲的她,要走出去見識世界;退出娛圈由文員做起,繼而發掘容祖兒,成為天后第一個經理人,之後輾轉投身美容界。十年前,吳美芝以家傳秘方為圈中靚媽修身,客仔包括張栢芝、蔡少芬、唐寧,以及近日生了第一胎的關心妍。做容祖兒經理人退出娛樂圈,吳美芝做了 ...


娛樂偵訊

《少女日記》吳美芝轉職治療師 幫過張栢芝蔡少芬關心妍

楊凡執導的《少女日記》,曾被喻為本土偶像電影經典,但女主角吳美芝( Maygi)之後只多接了一部戲, 18歲的她,要走出去見識世界;退出娛圈由文員做起,繼而發掘容祖兒,成為天后第一個經理人,之後輾轉投身美容界。

十年前,吳美芝以家傳秘方為圈中靚媽修身,客仔包括張栢芝、蔡少芬、唐寧,以及近日生了第一胎的關心妍。

做容祖兒經理人

退出娛樂圈,吳美芝做了容祖兒第一個經理人,之後她索性轉做美容。

淡出多年,現年 50歲的吳美芝不但未有走樣,狀態絕對用得上個「弗」字。退出娛圈,做過經理人,之後便全心全意搞美容生意。

「其實當時(《少女日記》八四年)仲有好多人搵我拍戲,但年紀細,想出去睇吓世界,同埋唔想冇晒自由,所以決定轉行。先做文員,之後做卡拉 OK嘅 production,老闆搞咗 Big Echo卡拉 OK比賽,容祖兒贏咗冠軍,我就做咗佢經理人。嗰時容祖兒得 14歲,但一上台,我就知佢會 win。之後我借衫俾佢試鏡,佢又會嚟我 club house游水練大隻,係一個好乖好有 talent嘅女仔。」 Maygi說。

再沾手娛圈事,不愛應酬打交道, Maygi辭去經理人一職,轉到美容界發展並成立 Maygi Beauty。做美容二十年,由始至終,她覺得扮靚 keep弗,才是自己最愛做的工作。

經典美少女

84年,當年是新人的吳美芝被楊凡發掘,在他首次執導的電影《少女日記》做女主角,並憑那股仙氣跑出,連該片的主題曲,由林志美主唱的《偶遇》也成為經典。

84年電影上映後,吳美芝表示經常有人找她簽名,令她覺得失去自由。

《少女日記》

電影中,吳美芝跟鄧浩光(右一)在沙灘相遇而產生好感,之後直至劇終未再碰頭,被喻為偶像電影經典。

《甜蜜 16歲》

跟何家勁合作完第二部戲後,吳美芝覺得娛圈複雜不適合,其後片約統統推掉。

家傳草藥包紮

「我好貪靚,又鍾意天然嘢,做美容最啱!我之前讀咗好多關於自然療法、香薰、按摩之類嘅課程,除咗美容,仲有幫生完嘅媽咪做修身治療,我會同佢哋按摩,然後再用家傳草藥包紮,好多媽咪十五日內就可以回復產前狀態。因為屋企有 organic farm,所以我係用農場入面種嘅草藥,同埋天然嘅油。」

經她一對巧手成功打回原形的圈中媽咪,包括張栢芝、蔡少芬,唐寧及關心妍等,據 Maygi說,張栢芝是個最聽話的媽咪。

「我去到屋企先知個客係張栢芝,一般嚟講,做修身治療每日一定要包住啲草藥八個鐘,但栢芝好乖好忍得,為咗加速有效果,佢會自動加時,甚至包住瞓過夜。我通常會叫啲客預備定一條未有 BB前最闊嘅褲,治療後十五日,幾乎所有人都會著番。

「之前唐寧生第二胎重咗四十磅,佢都可以喺十五日後著番未懷孕前嘅褲。至於關心妍,我覺得佢更容易搞,因為手腳瘦,只係個肚大咗。」 Maygi說。

吳美芝指關心妍懷孕時只有肚大咗,手腳依然纖瘦,好易搞。

蔡少芬都是吳美芝客仔,生咗兩個的她接受修身療程後,狀態弗爆。

客仔中,關心妍跟張栢芝好朋友,栢芝早前更帶埋兩個仔去探正在坐月的新任媽媽。

唐寧佗第二胎時重了 40磅,也是由吳美芝替她修身。

年過半百的吳美芝冇走樣,還憑一雙巧手做按摩塑身師按出名堂。

生完第一胎,張栢芝已經火速修身,還有條件 show小蠻腰。

撰文、攝影、攝錄:娛樂組

化妝、髮型: Ivan Lee


鍾意就快D Share啦!