掃呢頁CODE去手機

2016年9月29日 星期四

背傅佩嘉撩女網友野戰 張致恒肉照挑逗 [壹週刊 - 1386] 張致恒,M1,傅佩嘉

06年,Steven背住當時的女友傅佩嘉,send挑逗肉照給女網友Fiona,跪求女方上屋企。探熱針背傅佩嘉撩女網友野戰 張致恒肉照挑逗張致恒(Steven)和莊端兒拍拖兩年多,女友心口肉厚,點知依然餵佢唔飽,張致恒最近爆出背住女友偷嗒台妹Doris,斷正的他更承認性上癮,搞到莊端兒立即斬纜後,日前再爆出張致恒06年在網上搞女,內容露骨到爆,絕對需要家長指引!喊住搵上門禍從女出,真係唔可以亂食!本 ...


06年, Steven背住當時的女友傅佩嘉, send挑逗肉照給女網友 Fiona,跪求女方上屋企。

探熱針

背傅佩嘉撩女網友野戰 張致恒肉照挑逗

張致恒( Steven)和莊端兒拍拖兩年多,女友心口肉厚,點知依然餵佢唔飽,張致恒最近爆出背住女友偷嗒台妹 Doris,斷正的他更承認性上癮,搞到莊端兒立即斬纜後,日前再爆出張致恒 06年在網上搞女,內容露骨到爆,絕對需要家長指引!

喊住搵上門

禍從女出,真係唔可以亂食!本刊收到讀者爆料,指張致恒每次拍拖,都照偷食,更提供了一段當年他同個叫 Fiona的女網友的 MSN情慾對話,內容十分露骨。

據爆料讀者稱,張致恒多次趁女友不在港期間,將自己擺出挑逗 pose的肉照 send給 Fiona,又跪求對方去他屋企。

按照這批 MSN的截圖時間,全部都發生在○六年間,其時,張致恒的女朋友就是傅佩嘉。

「 Steven鍾意溝女唔係新鮮事,有段時間佢誇張到一拖七,又話自己一個禮拜日日都可以有唔同女!佢同傅佩嘉拍拖頭一年都仲好規矩,冇乜出去蒲,但江山易改,本性難移,冇咗新鮮感,過咗一年左右,佢又忍唔住出去偷食!但好快已經俾傅佩嘉知道,因為有女仔走上佢哋屋企,喊晒咁要搵 Steven!」知情人士透露。

當年同傅佩嘉拍拖,心散唔願做的 Steven曾被公司英皇雪藏。

半裸上身的 Steven用拳頭遮住自己下體,擺明撩 Fiona搞嘢。

Steven同女網友 Fiona的對話內容,相當露骨。

撩去維園打野戰

據了解,傅佩嘉知道男友偷食後,曾一度死忍,希望他可以浪子回頭,點知張致恒愈做愈過分,每次傅佩嘉做嘢出 trip,就搵 Fiona攝空檔,甚至撩對方打野戰。

「傅佩嘉其實真係好忍得,幾次發現 Steven偷食,都只係嬲一兩日就冇事,我哋一班朋友都話 Steven根本當佢係工人,多過係女朋友;但傅佩嘉就覺得 Steven只係逢場作興,所以隻眼開隻眼閉,直至有次佢發現男友撩 Fiona去維園打野戰,先至真係接受唔到,主動同 Steven分手!」知情人士透露。

Steven早年亦被漏 M女孫旗大爆二人有過一夜情,仲有埋 webcam截圖做證據。

Steven偷嗒台妹 Doris,立即斬纜的莊端兒早前搵好姊妹迪子(右)陪去睇醫生。

同莊端兒拍拖期間,經常公開放閃。

撰文、攝影、攝錄:娛樂組


鍾意就快D Share啦!