小編好想做Karen嘅仔女…
歌手莫文蔚（Karen）現身澳門出席名貴鐘錶及珠寶品牌蕭邦永利皇宮新店開幕酒會，擔任剪綵嘉賓的Karen戴上價值1.7億港元的品牌瑰麗珠寶亮相，談及她戴了整層豪宅上身，她表示從未試過一次戴如此貴重的首飾，不懂形容自己的心情：「2隻耳仔簡直係戴住幾層豪宅。（自己有冇儲首飾？）未去到呢個階段住，但我媽咪、婆婆都留番好多佢哋以前戴過嘅手錶、頸鍊、手鈪畀我，係寶藏嚟，唔係講價值，係愛你嘅人留畀你嘅嘢，更珍貴。（你唔生BB點傳畀下一代？）捐出嚟做善事，橫掂都帶唔走架嘛。」又謂人不是說有多富有，反而將財富轉為愛心幫助人更開心。她續透露老公很sweet，每年周年紀念日均會花心思送不同款式的戎指給自己，笑言不久便戴滿了手指及腳趾。
預告巡唱玩直播
談及今日是已故巨星張國榮（哥哥）的六十歲誕辰，Karen表示自己時不時便會憶起哥哥，因二人擁有很多開心的回憶時光，續說：「佢畀好多機會提攜後輩，咩都預我一份，佢開巡唱搵我做嘉賓都係其次，係我睇住佢點做一場騷，從中學到、吸收到好多嘢，學以致用喺自己依家嘅騷度。」又謂自己將於10月舉行巡唱最後一場，屆時會大玩現場直播：「想畀新嘅視覺效果觀眾，因為唔係個個歌迷都嚟到，嚟唔到嘅歌迷都可以置身現場咁。」
望搞「勁嘢」紀念哥哥
談及歌手古巨基及藝人古天樂合體演唱哥哥的經典歌曲《當年情》來紀念他，Karen表示今天有見到人轉發，但未聽二人唱的版本。問到Karen會否在巡唱時亦會唱番首哥哥的歌？她說：「我覺得可以用唔同方式去紀念或思念一個人，如果我唱哥哥嘅歌實在太至所當然啦，要諗啲再勁啲嘅嘢。」
來源 source: http://hk.on.cc
|
鍾意就快D Share啦！
|
|
|