掃呢頁CODE去手機

2016年9月19日 星期一

【見過偉仔全相】與嘉玲黎美嫻爭仔 17歲曾華倩爛玩趕走梁朝偉 __,曾華倩,梁朝偉,黎美嫻,朝偉,劉嘉玲,嘉玲,偉仔,

【短片】【見過偉仔全相】與嘉玲黎美嫻爭仔17歲曾華倩爛玩趕走梁朝偉2016-09-1900:02:00HKT梁朝偉是曾華倩的初戀三離三合,因為年輕任性。菜刀切蛋糕《430穿梭機》《新紮師兄》,一個是老婆,一個是細妹—劇裡面。2000年兩人已經破冰仲一齊去飲商天娥結婚嗰餐九龍女三女黎美嫻中途介入51歲的曾華倩,曾是無綫一線花旦,一出道就被安排拍攝85年版本的《雪山飛狐》飾演金面佛苗人鳳個女苗若蘭;又 ...


【短片】【見過偉仔全相】與嘉玲黎美嫻爭仔 17歲曾華倩爛玩趕走梁朝偉

2016-09-19 00:02:00 HKT





梁朝偉是曾華倩的初戀



三離三合,因為年輕任性。







菜刀切蛋糕



《430穿梭機》





《新紮師兄》,一個是老婆,一個是細妹—劇裡面。



2000年兩人已經破冰



仲一齊去飲商天娥結婚嗰餐



九龍女三女



黎美嫻中途介入

51歲的曾華倩,曾是無綫一線花旦,一出道就被安排拍攝85年版本的《雪山飛狐》飾演金面佛苗人鳳個女苗若蘭;又被派主持《430穿梭機》,與初戀男友梁朝偉短短六年間(83年至89年)三離三合,到今日仍然是7、80後珍貴的集體回憶,講到今日仍然為人津津樂道。好似當年《色,戒》上映,有傳媒問曾華倩有冇見過梁朝偉全相,佢話:「我都曾經睇唔少!」

講起梁朝偉,分手後不是朋友是常識吧。分手後各自嫁娶,曾華倩96年嫁商人林肇基,99年誕下兒子,可惜二人於02年離婚收場。至於梁朝偉,08年與劉嘉玲在不丹結婚。之前有傳,劉嘉玲係由曾華倩手中搶走偉仔,故兩位好姊妹斷交十幾年……

好多好多年後,曾華倩做節目,請劉嘉玲做嘉賓,有指當時劉嘉玲同佢講:「其實偉仔好掛住你,有乜開心事都想同你分享。」自此,兩人言歸於好,亦不時見面,但每次曾華倩次次都搵埋老死吳君如。

其實喺曾華倩同偉仔「三離三合」中間,曾出現過一個黎美嫻。就係喺曾華倩同偉仔又嗌分手、黎美嫻同偉仔合拍《倚天屠龍記》時撻著咗,有指當時仲後生鍾意玩嘅曾華倩原本諗住「向偉仔下馬威」,點知弄假成真。

但後來偉仔同黎美嫻分手後,又同番曾華倩一齊。最後一次分手,據都市傳說話,嗰陣偉仔要同時開幾部戲,日夜顛倒,已經好攰。有晚收工,如常打俾曾華倩「報到」,點知夜麻麻女方話仲跳緊舞。

偉仔擔心華倩,又唔鍾意女友成日出去玩,於是揸車出去搵佢、勸佢返屋企,但曾華倩話:「你返去啦!我玩多陣!」偉仔鐵了心,調頭走,以後都冇再理佢。故事發展落去,都市傳說就話,當時曾華倩好揼心,可惜偉仔已經不再回頭。於是華倩就向好姊妹、「九龍女」(即係邱淑貞、上山詩鈉、藍潔瑛、梅艷芳、張曼玉、羅美薇、曾華倩、劉嘉玲同吳君如合共九人,類似依家嘅「胡說八道」咁,「九龍女」個名係黃霑改嘅)嘅劉嘉玲求救。

仍然係都市傳說呀吓,當時劉嘉玲不知就裡,真係諗住幫華倩出氣,但同偉仔接觸後,先至明白偉仔嘅心情。其實嘉玲同華倩都係愛玩外向之人,但偉仔完全唔好呢啲。南轅北轍,分手係遲早嘅事。偉仔由同華倩分手呢段經歷上,學識包容(可能係),兩人於舞台劇《花心大丈夫》撻著,而偉仔同嘉玲一齊之後,亦由得女友自由尋樂,偉仔亦有自己孤獨的樂趣,反而可以白頭到老。

一次曾華倩接受君如訪問時,君如都有提過呢個「TL」,大爆次次華倩同「TL」分手後都打俾佢喊。至於最後嗰次分手係邊個分邊個,華倩就話係和平分手。對於君如嘅追問,華倩扮嬲:「做咩係都要人講邊個飛邊個啫?我唔做呢啲咁缺德嘅事。」

好多年之後,曾華倩同過陳庭威一齊,分手後嫁商人林肇基,又離了婚,再同細佢近十年嘅馬國明展開姊弟戀之後,一次受訪,又被問及同偉仔當年點點點,華倩一句到尾:「都咁多年啦,仲要講?」至於分手原因,佢就話係「意見不合,嗰陣時細個咩都唔識。依家成熟好多。」仲反問君如同「AT」邊個飛邊個……邊個AT?咪就係杜德偉囉。


鍾意就快D Share啦!