掃呢頁CODE去手機

2016年9月27日 星期二

【搵錢好辛苦】賈曉晨回應老公欠債200萬:少皇借咗我先知 __,賈曉晨,

太陽娛樂老闆周焯華(洗米華)今日喺上環信德中心同洗米嫂出席澳門廣場開幕禮,同場仲有鄺美雲(Cally)、賈曉晨(JJ)、劉威煌、前組合EO2成員彭懷安(Eddie)等。JJ(賈曉晨)表示近日忙於喺大陸開劇,一套接一套,對於老公樊少皇早前被爆欠債200萬遭上門追數事件,佢再解釋:「我哋出咗律師信,我哋財政冇問題,朋友利用佢身份證借錢做擔保,佢朋友還晒嗰筆錢,但私下仲問佢借咗300萬港幣就未還,少皇借 ...




其他影片:>>






太陽娛樂老闆周焯華(洗米華)今日喺上環信德中心同洗米嫂出席澳門廣場開幕禮,同場仲有鄺美雲(Cally)、賈曉晨(JJ)、劉威煌、前組合EO2成員彭懷安(Eddie)等。JJ(賈曉晨)表示近日忙於喺大陸開劇,一套接一套,對於老公樊少皇早前被爆欠債200萬遭上門追數事件,佢再解釋:「我哋出咗律師信,我哋財政冇問題,朋友利用佢身份證借錢做擔保,佢朋友還晒嗰筆錢,但私下仲問佢借咗300萬港幣就未還,少皇借咗我先知,我叫佢以後唔可以再借錢畀人,搵錢好辛苦。」同場前跳舞組合EO2成員Eddie否認同朱慧敏復合,佢話:「隨緣,大家各有各忙。」Cally話呢排瘦咗,有本錢食多啲,佢大讚:「嚟到呢到要食佢嘅喇沙同菠蘿包,好多港式美食。」Cally仲話日頭食唔怕肥,佢每個星期都會跳舞兩次做運動;Cally大讚小米女可愛。劉威煌早前開珍珠奶茶店月賺八萬,佢話:「我成本成百萬,o依家賺咗五位數字尾,開咗兩、三個月,希望九個月到一年可以回本。」

攝影:沈健程 賈曉晨回應老公樊少皇欠債一事,佢話:「我哋出咗律師信,財政冇問題。」 Eddie否認同朱慧敏復合
劉威煌早前開珍珠奶茶店月賺八萬 鄺美雲話呢排瘦咗,有本錢食多啲 太陽娛樂老闆周焯華(洗米華)今日喺上環信德中心同洗米嫂出席澳門廣場開幕禮

鍾意就快D Share啦!