呢啲係咪叫妹仔大過主人婆？
繼續係港男才藝表演環節，6號馬俊傑夥拍嘉賓劉佩玥，重演《城寨英雄》求婚經典一幕。雖然馬俊傑落晒力咁演出，但係焦點就完全落咗喺劉佩玥度，今日谷胸上陣嘅佩玥，由於演戲時情緒及表現激動，令到佢「胸」湧上圍更見澎湃，視覺效果可謂相當震撼。
二人完成表演後，評判之一的黎耀祥，直指馬俊傑夠大膽，更出言「恐嚇」謂：「夠膽喺咁多好戲之人面前做戲，你覺得自己做戲好好咩？」之後更「拋波」給司儀鄭裕玲：「不如你評吓啦，你同咁多男演員合作過。」對於被指大膽，馬俊傑承諾日後會多鑽研演技。
7號楊灌澤則與兩位女舞者表演拉丁舞，曾於國際賽得獎的他，表演時手到拿來。嘉賓之一的衛詩雅，問他可擔心與拍檔跳貼身舞令女友呷嘈，楊灌澤即謂：「我冇女朋友，不過唔會擔心，跳舞最緊要係enjoy。」
來源 source: http://hk.on.cc
|
鍾意就快D Share啦！
|
|
|
