【過咗三個月】39歲人妻Kay喊住認陀B：淨係識笑到眼濕濕！
2016-09-17 11:23:00 HKT
恭喜恭喜！39歲人妻Kay謝安琪終於認陀B，呢胎係女，夾埋囝囝張瞻，啱啱好係一個「好」字！恭喜恭喜！阿聰今早於IG貼了老婆個巨肚出嚟，寫道:「成日俾人問到口啞啞，終於可以好正面咁宣佈一件好正面嘅事！我又做爸爸啦!我會繼續愛錫太太!多謝大家嘅祝福！.....期待與我的小公主見面」
謝安琪接受《蘋果》電話訪問時，難掩喜悅同激動，報喜時開心到聲都震：「多謝大家呀！係呀係呀！因為我呢……真係唔知講咩好……依家心情好…好開心，真真係……開心到………係喇，就係識笑同埋眼濕濕嗰隻。同埋真係(開始哭)……年紀大咗啦，咁就……咁就……係囉，即係要事事小心，所以多謝大家祝福，好開心，大家都戥我咁開心!多謝你哋！」
張繼聰亦難掩興奮之情，他在電話訪問中說：「過咗三個月，終於可以講得，因為屋企好多老人家，呢胎係囡囡，好開心！太太始終佗第一胎時年輕啲，今次辛苦啲，害喜情況嚴重，作嘔、腰痛、好攰情況比上次明顯好多，好好謝佢呢好乖，成日臥休休息，做媽咪真係好偉大，過咗三個月，依家情況好好多。依家一個好字，我會努力工作搵錢，輔導小朋友做哥哥，佢好開心，始終獨仔嚟講會呷醋，好似畀人分走嘢。」
來源 source: http://hkm.appledaily.com
|
鍾意就快D Share啦！
|
|
|
