網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月1日 星期四

拖梁浸浸出巡現 4個月肚  Yumiko:千祈唔好恭喜我! [壹週刊 - 1382] __,Yumiko,Yumi,尹秦睎,梁浸浸,白緯玲,鄭希怡,M1,

個肚凸成咁,話係四個月唔過分!探熱針拖梁浸浸出巡現4個月肚 Yumiko:千祈唔好恭喜我!眨吓眼Yumiko(鄭希怡)個B女梁浸浸(梁子柔)已經16個月大,開始識行識走,廿四孝潮媽急不及待帶住囡囡出巡,讓她多與外界接觸。上週四(25/8),一家三口到西貢下午tea,只見向來fit到漏的Yumiko肚凸凸,睇落似四個月肚,似有喜。致電祝賀潮媽,Yumiko極大反應:「唔好,千祈唔好恭喜我!」格仔餅跟 ...


個肚凸成咁,話係四個月唔過分!

探熱針

拖梁浸浸出巡現 4個月肚  Yumiko:千祈唔好恭喜我!

眨吓眼 Yumiko(鄭希怡)個 B女梁浸浸(梁子柔)已經 16個月大,開始識行識走,廿四孝潮媽急不及待帶住囡囡出巡,讓她多與外界接觸。上週四( 25/8),一家三口到西貢下午 tea,只見向來 fit到漏的 Yumiko肚凸凸,睇落似四個月肚,似有喜。

致電祝賀潮媽, Yumiko極大反應:「唔好,千祈唔好恭喜我!」

格仔餅跟身

生完梁浸浸, Yumiko為了打回原形,做 gym、泰拳打孖上,日子有功,練得格仔餅上身後,便不時在社交網站 show off,還一度有意參加 viuTV真人騷《 G-1格鬥會》第二季挑戰賽,只是撞啱要北上拍劇,加上身邊家人、朋友投反對票才作罷。

而初生時呼吸系統出現問題的囡囡梁浸浸,如今已開始行得走得,上週四(二十五日)下午四時, Yumiko一家三口到西貢食泰國菜當下午茶,老公 Andy(梁學儲)抱住著花裙仔的梁浸浸, Yumiko則邊行邊篤手機,奇怪是早幾日在 Ig上載的蛇腰格仔餅,當下竟消失得無影無踪,換來肚凸凸水桶腰,同四個月肚冇分別,是真有喜還是 P圖?由 Yumiko講解。

大家即使認唔出黑超 Yumiko,都一定認到一頭攣毛的梁浸浸。

Yumiko上載纖腰相,同當日出巡西貢,肚凸凸勁大差別。

不認是自己

壹:你肚凸凸嘅,要恭喜你?

Y:唔好……千祈唔好恭喜我,真係唔係!

壹:咁點解凸晒肚呢?

Y:(哈哈哈)我唔知,可能食飽啫,女人嘅身體,就好似少女嘅心情一樣,變幻莫測,我就嚟笑唔出。

壹:有冇諗過為梁浸浸添個細佬或者妹妹?

Y:暫時冇呢個計劃,亦未覺得自己 handle到。

壹:唔怕梁浸浸悶咩?

Y:我唔怕喎,我自己都係一個(獨女),又可以喎。

之後記者傳了 Yumiko凸肚照給她過目,當事人搞笑回覆,「呢個唔係我嚟,你認錯人!」

人氣勁過媽咪的梁浸浸,阿豬媽一眼就認出。

16個月大的梁浸浸眼仔碌碌,對四周環境充滿好奇。

街坊認得

要數香港藝人萌 B,梁浸浸必入三甲!食完下午茶, Yumiko抱住囡囡行去攞車,沿途梁浸浸眼仔碌碌四圍望,超可愛!經過家品店,店員一眼就認出梁浸浸,揮手打招呼,只有一歲多的人仔亦完全不怕陌生人,主動揮一揮小手,俾晒反應。比起媽咪,梁浸浸更勝一籌。

已離開英皇的 Yumiko,早前為阿 Sa統籌的新片《原諒他 77次》埋位。

Yumiko打泰拳、做 gym雙管齊下,成功修身仲練到格仔餅。

撰文、攝影、攝錄:娛樂組


鍾意就快D Share啦!