【短片】超驚喜！40歲舒淇已嫁42歲馮德倫！
2016-09-03 13:08:00 HKT
恭喜恭喜！好滾動呀！黃金盛女舒淇，終於嫁喇！係嫁咗喇！婚禮於布拉格舉行！
《蘋果》收到消息，兩人係日前結婚嘅。求證於舒淇經理人管小姐，問她是否在布拉格觀禮？佢笑笑口話:「我係去咗布拉格，不過係探班，唔係觀禮，我都係比你哋早少少睇到佢哋準備要發俾傳媒嘅結婚啟事同相片，佢哋已經喺嗰邊結咗婚喇，佢哋想保留少少私隱同空間。」
依家舒淇同馮德倫仍然身在布拉格，拍緊馮德倫執導新片《俠盜聯盟》，今次結婚，來得相當突然，兩人方才一齊發表「結婚啟事」，都話結婚呢個決定真係好突然好隨性，唔會有婚宴亦唔會有派對。「我們相識了二十年，相戀了四年，我毫無反顧的娶她了，是的，我們決定相互纏一輩子。我們結婚了，謝謝愛我們的你們的關心。甚麼都可以錯，但是別錯過愛你的他&她」。
馮生馮太仲驚大家諗多咗，以為舒淇好似林心如咁奉子成婚，所以喺啟事中自爆「p.s.目前尚未懷孕」
方才舒淇透過寰亞公關發咗輯兩人結婚相，證實兩人已經結咗婚，但未有講明幾時結。舒淇仲話:「婚紗是H&M兩年前送我的，頭紗是一家婚紗店隨意挑的，他的西裝跟我的粉紅色小洋裝臨拍照前兩天才讓silver街邊買的～照片林炳存大師一星期前接到指令排開所有工作飛來布拉格拍攝的，還指定要自然風只能帶反光板而已～哈哈!」
好突然！好幸福呀！
來源 source: http://hkm.appledaily.com
|
鍾意就快D Share啦！
|
|
|