2016年9月20日 星期二

Android手機:Android轉會iOS 資料無痛轉移法 __,iOS,手機平板,手機,

Android轉會iOS 資料無痛轉移法近期SamsungNote7連番意外,再加上iPhone7系列剛剛登場,搞到一班原本想升級的Android用家,都心郁郁想「跳船」轉去iPhone陣營,就算畀你拎到部iPhone上手,最頭痛係唔知點將Android資料轉移到iOS呢!其實唔使拎去街外搵人搞,自己都可以動手做到。Apple官方推出:《MovetoiOS》始終Android同iOS係兩個唔同系統 ...


Android轉會iOS 資料無痛轉移法

近期Samsung Note 7連番意外,再加上iPhone 7系列剛剛登場,搞到一班原本想升級的Android用家,都心郁郁想「跳船」轉去iPhone陣營,就算畀你拎到部iPhone上手,最頭痛係唔知點將Android資料轉移到iOS呢!其實唔使拎去街外搵人搞,自己都可以動手做到。

Apple官方推出:《Move to iOS》

始終Android同iOS係兩個唔同系統,要轉移始終冇Android->Android,或者iOS->iOS咁方便,所以Apple就特別出隻《Move to iOS》App,專門畀Android資料轉移到iOS,之但係就唔係所有資料都過到,基本如聯絡人、相片、影片、短訊、電郵、日程表、部分App都過得到,不過Whatsapp訊息內容就轉唔到囉。

使用《Move to iOS》過資料需要滿足好多條件,所以唔少人都覺得過程好麻煩,首先要將iPhone重置為原廠設定,即是「Hello」的開始畫面,如果係全新機就冇問題。另外需要透過Wi-Fi網絡傳送。若果想移轉Chrome內書籤,亦都要將Android手機內的Chrome更新至最新版本。傳送期間唔可以用其他App或接聽電話,屏幕亦都要保持開啟狀態,即係處於休眠都會停止傳送,有時仲要重新執行,雖然隻App唔算太好用,但確實可以將基本資料轉移到。

簡易輕鬆轉移:《Copy My Data》

若嫌《Move to iOS》太麻煩,其實都有另一款App《Copy My Data》可以揀,佢唔單止做到Android->iOS,亦都做到iOS->Android,首先在Android手機和iPhone上都下載呢隻App,便能透過Wi-Fi網絡傳送資料,之不過只可以傳送聯絡人、相片、影片和日程表,能夠傳的資料有限,App亦都無法轉移,但至少唔需要將iPhone重置為原廠設定,都總算幾方便。老老實實,唔少店舖都係靠佢幫客人過資料,咁樣畀人收錢就有少少唔抵。

過Whatspp內容:《Backuptrans》電腦軟件

相信大家轉手機,最想保留的應該係Whatsapp訊息內容,之不過WhatsApp官方都講到明,對話紀錄無法從Android手機轉移到iPhone上,調轉亦都唔得,所以一般方法唔使諗。所以就要靠《Backuptrans》電腦軟件,記住佢係要畀錢買,去官網點選當中「Android WhatsApp to iPhone Transfer」,能夠兼容Windows同Mac平台,之後就能夠將Whatsapp內容,包括文字、相片、影片、群組、對話內容100%轉移到電腦內的iTunes,再同步到iPhone。至於軟件售價為19.95美元(3裝置版本),即是大約HK$155,其實價錢都算合理,除非你覺得Whatsapp對話紀錄唔值呢個價,否則買得幾千蚊部機,唔爭在畀多百幾蚊買埋佢。

Backuptrans網址:http://bit.ly/2cO1olI

過WeChat內容:零軟件輔助

除了Whatspp通訊App之外,相信比較多人用的還有WeChat,但估唔到WeChat要保留訊息內容,完全唔需要靠第三方App或軟件輔助。首先只要在Android手機中,點選「我的設定」->「設定」->「聊天」->「聊天記錄備份和還原」,並揀「遷出到附近的手機」,再開啟iPhone的WeChat再登入帳號,點選右上角的「+」->「掃描QR Code」,最後用鏡頭對準Android手機屏幕上的QR Code,便會將內容自動轉移到iPhone,過程夠簡單。要注意兩機在轉移過程中,必須連接相同的Wi-Fi網絡。

過Facebook、Facebook Messenger內容:登入就可以

手機裏面最私密的資料,應該就是大家的Facebook和Facebook Messenger,其實大家毋須將裡面的資料轉存,事關Facebook本身已經將所有內容儲存到Server,換言之大家只需要在iPhone下載《Facebook》和《Messenger》App,登入後就能夠睇番所有內容,連轉移的過程都慳番。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...