掃呢頁CODE去手機

2016年9月23日 星期五

【已經去到第四代】「邦民女」又點止Anjaylia 羅凱珊改名敗走日本 __,Anjaylia,羅凱珊,陳嘉寶,

【短片】【已經去到第四代】「邦民女」又點止Anjaylia羅凱珊改名敗走日本2016-09-2300:04:00HKT邦民女唔只得一位,不過Anjaylia最令人有印象。梁寶琪係第一代邦民女。(梁寶琪facebook圖片)「邦民,Promise」(互聯網圖片)之前為港視拍劇。第二代邦民女羅凱珊因為太多負面新聞,轉咗去日本發展。Anjaylia呢個造型,真係好似為佢而設一樣。一做就做咗6年。主打清純 ...


【短片】【已經去到第四代】「邦民女」又點止Anjaylia 羅凱珊改名敗走日本

2016-09-23 00:04:00 HKT



邦民女唔只得一位,不過Anjaylia最令人有印象。



梁寶琪係第一代邦民女。(梁寶琪facebook圖片)



「邦民,Promise」(互聯網圖片)



之前為港視拍劇。



第二代邦民女羅凱珊因為太多負面新聞,轉咗去日本發展。





Anjaylia呢個造型,真係好似為佢而設一樣。



一做就做咗6年。



主打清純look。(互聯網圖片)



黎紀君之前同王宗堯拍拖。



Gillian有33C上圍。



林婷拍開硬照廣告( 林婷instagram圖片)



最新嘅係呢三位

如果講起陳嘉寶(Anjaylia),第一印象肯定係「邦民女」!事關佢嘅齊蔭頭同「邦民,Promise」呢句廣告口號真係深入民心。不過呢,Anjaylia並唔係第一代邦民女,咁多年嚟總共出現過6個咁多添:

第一代:梁寶琪(Crystal)04年成為第一代邦民女,最先講出「邦民,Promise」呢句街知巷文嘅廣告口號。不過做咗o靚模10年,始終想轉型,上年Crystal同《蘋果》講過:「模特兒唔可以做一世,要搵一個出路。」結果佢加入咗港視,拍過《警界線》、《開腦儆探》同《夜班》等劇。

第二代:羅凱珊 接Crystal棒做第二代邦民女,不過負面新聞不絕,被指耍大牌、脾氣臭又愛釣金龜,07年同彭順傳緋聞,09年戀上模型大王之子袁紹恒,10年又被指獲周星馳支持到外國讀書兼遊日本。佢喺香港星途不順,直到12年加盟著名日本模特兒公司Satoru Japan Inc.轉冧日本宅男。

第三代:陳嘉寶(Anjaylia)Anjaylia喺09年上任邦民女,一做就做咗6年,係最長壽嘅邦民女。有法國血統嘅佢亦喺大台拍過劇《殭》,又不時幫大台做綜藝節目嘉賓。今年7月Anjaylia離開咗模特兒公司Jam Cast,佢又話同大台傾合作,至於報酬係好大想頭嘅「一噸金」 。(新聞連結: http://bit.ly/2cqBSpd )

第四代:黎紀君(Christy)、伍倩彤(Gillian)、林婷上年邦民女一分為三,唔再係一人專利。Christy同王宗堯拍過拖,入行3年同拍過多個廣告,除咗係邦民女,之前Christy嘅一輯九巴海報廣告因為太靚而喺多處俾人偷走;伍倩彤(Gillian)今年24歲,上圍有33C,由模特兒轉戰電影圈,先後拍攝電影《PG戀愛指引》同《我要發達》,演過啤酒妹同純情學生妹;另外林婷就係廣告Model,拍唔少硬照廣告。


鍾意就快D Share啦!