掃呢頁CODE去手機

2016年9月30日 星期五

【同老公吵大鑊被撇?】胡杏兒解釋事件「經過」:我同老公講我想食爆谷 __,杏兒,胡杏兒,

胡杏兒與才俊老公李乘德(Philip)結婚9個月,糖黐豆恩愛非常,度蜜月環遊世界玩足兩個月。深愛老公嘅胡杏兒,為替李家繼後香燈,寧願減產專心造人。不過情侶之間都會嗌下交,何況兩公婆。日前胡杏兒同與老公去奧海城睇戲,惟二人怒火街頭吵大鑊,Philip嬲爆走人,嚇到杏兒急急追住老公。二人睇完戲後,Philip亦似下了火,不過杏兒繼續黑面。今晚盛裝打扮嘅胡杏兒到中環8號碼頭香港海事博物館出席NARS唇妝 ...




其他影片:>>






胡杏兒與才俊老公李乘德(Philip)結婚9個月,糖黐豆恩愛非常,度蜜月環遊世界玩足兩個月。深愛老公嘅胡杏兒,為替李家繼後香燈,寧願減產專心造人。不過情侶之間都會嗌下交,何況兩公婆。日前胡杏兒同與老公去奧海城睇戲,惟二人怒火街頭吵大鑊,Philip嬲爆走人,嚇到杏兒急急追住老公。二人睇完戲後,Philip亦似下了火,不過杏兒繼續黑面。今晚盛裝打扮嘅胡杏兒到中環8號碼頭香港海事博物館出席NARS唇妝派對,面對傳媒,她笑稱:「我知你哋要問啲咩0架喇。」又謂:「唔好意思,我有少少病,把聲咁。」問胡杏兒同老公是否吵架?她笑笑口話:「唔係,因為……應該話我哋由拍拖到結婚一直都好開心嘅,我覺得呢啲……有時呢啲私人事唔需要解釋太多,同埋解釋都冇用。最緊要係我同我老公,同我屋企人知就得0架喇。大家都知道我由拍拖到依家,大家都送咗好多封面呀、C1俾我哋。其實我哋都要好strong去面對好多嘢,即係……有時…有啲嘢真係冇辦法,因為真係做呢行,但其實真係好小事。」咁究竟當日兩公婆發生咩事呢?胡杏兒一直笑晒謂:「我記得我嗰一日係同我老公講我想食爆谷,佢話:『你病呀,你唔好食啦!』都冇影到啲乜嘢,咁就變咗單嘢喇。」問胡杏兒有冇追出去?佢斬釘截鐵謂:「冇,冇啲咁嘅事。」又十分無奈地謂:「因為係藝人…好多時一舉一動…我都冇諗過我去睇戲,可以俾人偷影,但我覺得冇辦法,因為我係做呢行。」又嘆讀者信以為真,連帶講番之前被指耍大牌致《我和春天有個約會》舞台劇被飛一事:「點解一件咁開心嘅事都可以講到又話我大牌呀又咩呀,我好多謝製作公司幫我出聲明,還我清白。」

圖右攝影:陳俊強 日前胡杏兒同與老公去奧海城睇戲,惟二人怒火街頭吵大鑊 又大晒鑽石戒指…
杏兒又爆自己最近有啲病 一開始見到佢哋係有啲黑面。資料圖片 點知去買飛位,佢同老公嘈咗幾句,老公就轉身行。資料圖片
杏兒就落扶手電梯…(資料圖片) 最終佢哋都睇得成戲。資料圖片

鍾意就快D Share啦!