掃呢頁CODE去手機

2016年9月4日 星期日

孫慧雪:孫慧雪挑戰斷片酒 直播自爆初戀事 __,孫慧雪,

酒量嘅嘢,個個人都唔同嘅!之前無綫節目《東張西望》就搵咗主持吳幸美人肉測試斷片酒嘅威力,吳幸美飲完之後又喊又笑完全失控,之後仲瞓着咗冇晒知覺,有部份網民睇完就話質疑斷片酒係咪真係咁勁。凌晨時段孫慧雪就喺fb度直播,話要挑戰斷片酒嘅威力,佢同兩位識咗好多年嘅男性朋友喺Studio入面做測試,事前已經交低晒「身後事」,講低晒畀兩位朋友聽屋企住邊同鎖匙放喺邊,以防萬一都有人照應。雪雪開咗罐蘋果味嘅斷片酒 ...




其他影片:>>






酒量嘅嘢,個個人都唔同嘅!

之前無綫節目《東張西望》就搵咗主持吳幸美人肉測試斷片酒嘅威力,吳幸美飲完之後又喊又笑完全失控,之後仲瞓着咗冇晒知覺,有部份網民睇完就話質疑斷片酒係咪真係咁勁。

凌晨時段孫慧雪就喺fb度直播,話要挑戰斷片酒嘅威力,佢同兩位識咗好多年嘅男性朋友喺Studio入面做測試,事前已經交低晒「身後事」,講低晒畀兩位朋友聽屋企住邊同鎖匙放喺邊,以防萬一都有人照應。

雪雪開咗罐蘋果味嘅斷片酒,開頭佢象徵式攞個水樽蓋飲裝咗幾滴飲,網民睇見大叫唔夠喉,雪雪順應民意改用杯飲,飲完之後雪雪評價係酒味好濃,飲落去喉嚨有啲火辣,去到嘅胃仲好熱。聽雪雪咁講好似好勁,但係隔咗陣又唔見雪雪有啲乜嘢,之後雪雪同網友邊傾偈邊再等反應,期間雪雪不停食魚肉腸同橙,再飲多咗幾啖斷片酒,推斷雪雪飲咗大約半罐(約250毫升)咁上下,除咗塊面有啲紅之外,真係冇乜嘢發生。

係等候酒力發作嘅過程,雪雪同網民一齊唱吓歌仔同埋傾吓偈,雪雪仲大展歌喉示範《全部都係雞》嘅新版本,唔少網民趁機問吓雪雪一啲比較私人嘅問題,雪雪就自爆依家體重11X磅、身高168cm,有網民就問雪雪男友嘅嘢,雪雪就答:「我都唔知佢係邊個嚟嘅。」識得咁答,睇嚟斷片酒都冇乜料到。網民再問雪雪嘅初戀過程,雪雪就坦白交待係同個男仔打打吓機,咁就開始咗,不過初戀好緊張,咁就唔敢出聲講嘢,搞到個男仔以為佢成日都黑口黑面唔出聲,最後咁就散咗。

飲咗斷片酒半個鐘後,雪雪有啲悶仲玩「風火輪」畀大家睇,雖然佢玩得有啲差,不過見佢都平衡得到,一啲飲醉酒嘅情況都冇出現過,究竟係吳幸美酒量太差?定係雪雪嘅意志力太強?不過無論係點都好,都應該好似雪雪喺直播中所講,女仔飲酒都係應該要小心啲。


來源 source: http://hk.on.cc
鍾意就快D Share啦!