網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月7日 星期三

莊思明‧楊明睇樓築愛巢 __,莊思明,楊明,思明,

楊明攬實思明條腰睇樓,搵個筍盤築愛巢!
莊思明‧楊明睇樓築愛巢藝人莊思明與楊明拍拖數月,感情持續升溫,日前被拍得現身跑馬地睇樓,似乎有意築愛巢!期間,楊明懶理途人目光,多次公然向女友索吻放閃,睇到旁邊的貨車司機眼凸凸!思明即將出發到內地拍攝微電影,臨行前計劃孖男友先到泰國旅行,果然愛得癡纏!楊明攬實思明條腰睇樓,搵個筍盤築愛巢!莊思明與楊明這段「雙明戀」5月初曝光後,兩人不時晒恩愛。楊明早前拍劇受傷,女友思明擔心到眼濕濕,他當時承諾日後 ...


莊思明‧楊明睇樓築愛巢

藝人莊思明與楊明拍拖數月,感情持續升溫,日前被拍得現身跑馬地睇樓,似乎有意築愛巢!期間,楊明懶理途人目光,多次公然向女友索吻放閃,睇到旁邊的貨車司機眼凸凸!思明即將出發到內地拍攝微電影,臨行前計劃孖男友先到泰國旅行,果然愛得癡纏!

莊思明與楊明這段「雙明戀」5月初曝光後,兩人不時晒恩愛。楊明早前拍劇受傷,女友思明擔心到眼濕濕,他當時承諾日後會照顧對方,不時在社交平台放閃的他日前更留言:「你是我人生裏面最後一個女人!交給我吧!」事後表示會努力儲老婆本,思明似乎嫁杏有期!

拖實搵位開餐

思明最近向身邊友人呻遭業主 ,日前中午時分,記者發現她由司機接載到跑馬地街頭,原來是等拍劇收工的楊明齊齊睇樓築愛巢!兩人會合後先後到數間地產舖門外駐足討論,並不時望着張貼在玻璃櫥窗的熱門樓盤指手畫腳,見思明變身小女人,聽過男友的意見後頻頻點頭。未幾,有地產經紀前來招呼兩人,並帶他們到附近的城和道一個單幢式樓宇睇盤。快將抵達大廈大堂時,一直拖實女友的楊明突然靠近思明,並在她的耳邊喁喁細語兼索吻,思明被男友的熱情舉動氹得甜笑,Sweet爆!兩人逗留逾20分鐘才離開,似乎對該盤甚有興趣。

  • 放大圖片
楊明同思明在地產舖外研究了一輪。
  • 楊明同思明在地產舖外研究了一輪。
楊明興致到,過緊馬路都要向女友索吻,貨車上的乘客都呆晒!
  • 楊明興致到,過緊馬路都要向女友索吻,貨車上的乘客都呆晒!

兩人離開時正值午飯時間,楊明偕女友徒步到附近餐廳覓食,站在馬路邊的他再次懶理旁人目光,在貨車前咀爆思明,車廂內的司機及乘客見狀「嚇到」O晒嘴,Man爆的楊明其後拖着女友一支箭橫過馬路,然後入餐廳叫餸開餐。

楊明拖實女友過馬路,一盡護花使者的責任。
  • 楊明拖實女友過馬路,一盡護花使者的責任。
楊明行行吓又轉頭錫女友,煙韌到呢!
  • 楊明行行吓又轉頭錫女友,煙韌到呢!
楊明同思明撐完枱腳就趕返片場開工。
  • 楊明同思明撐完枱腳就趕返片場開工。

泰國預支蜜月

據悉,楊明近日忙於為新劇《心理追兇》開工,當日原來是趁外景與廠景的空檔會合女友睇樓,午膳後就立即趕返片場開工,名副其實公私兩忙!他昨午現身電視城,表示暫未求婚:「大家誤會咗。(成日放閃?)有時啫,開心嘢分享吓!(幾時結婚?)冇諗,做嘢先。(儲緊老婆本?)不嬲都儲緊。(你話佢係你最後一個女人,唔驚做唔到?)唔驚,當時講係由心出發,都有信心嘅!」又坦言與莊媽媽投緣,相處冇問題。記者亦曾聯絡思明,她透過助手回覆:「都係睇吓(樓)先啫!」待《心》劇殺青後,兩人將飛往泰國度假數天,實行預支蜜月,回港後再各自為工作拚搏。

文:影視組


鍾意就快D Share啦!