2016年9月20日 星期二

梁盛子腦溢血抱憾離世 __,梁盛子,

秦沛養育姜文杰及姜麗文成長,與子女感情要好。
梁盛子腦溢血抱憾離世有「靚太廚神」之稱的秦沛前妻梁盛子,於溫哥華因腦溢血病逝,終年60歲。梁盛子生前為秦沛誕下子女姜文杰及姜麗文,但因為與秦沛離異後再婚嫁律師,得不到子女的體諒,三母子關係形同陌路,成為梁盛子畢生鬱結,上月她受訪時談及姜氏兄妹,仍難掩激動,如今只能帶着遺憾,在另一國度期待得到子女的寬恕。秦沛養育姜文杰及姜麗文成長,與子女感情要好。梁盛子於香港時間上周六(17日)於加拿大因腦溢血猝逝 ...


梁盛子腦溢血抱憾離世

有「靚太廚神」之稱的秦沛前妻梁盛子,於溫哥華因腦溢血病逝,終年60歲。梁盛子生前為秦沛誕下子女姜文杰及姜麗文,但因為與秦沛離異後再婚嫁律師,得不到子女的體諒,三母子關係形同陌路,成為梁盛子畢生鬱結,上月她受訪時談及姜氏兄妹,仍難掩激動,如今只能帶着遺憾,在另一國度期待得到子女的寬恕。

梁盛子於香港時間上周六(17日)於加拿大因腦溢血猝逝,享年60歲。盛子生前為秦沛誕下姜文杰及姜麗文,她帶着姜文杰到加拿大坐移民監,後來兩人離婚,姜麗文則由秦沛撫養,直至她再婚,姜文杰始被送回給秦沛養育。據知,雖然盛子每年均會到溫哥華探望子女,但姜氏兄妹難以接受母親再嫁,姜文杰更曾聲言:「我哋唔想見佢!」姜麗文童年時,盛子曾帶同禮物到泳池替正學習游泳的女兒送上生日驚喜,卻被現場親友怒斥:「唔好搞個女」令姜麗文淚灑當場。

「我不應該走出家門」

盛子與現任丈夫何律師育有一名現年25歲兒子,但對姜氏兄妹的虧欠,成為她的一生鬱結,絕少談及感情事的她接受車淑梅訪問時曾就與秦沛離婚表示:「從這段婚姻中,我學懂了寬恕,因為人不會十全十美,一隻手拍不響,雙方都有責任。無論如何,當時子女還小,我不應該走出家門的。」本報曾聯絡姜文杰,但截稿前仍未獲回覆。

梁盛子與丈夫何律師育有一子。
  • 梁盛子與丈夫何律師育有一子。
秦沛與梁盛子未能白頭偕老。
  • 秦沛與梁盛子未能白頭偕老。
梁盛子當年為無綫拍劇,是美人胚子。
  • 梁盛子當年為無綫拍劇,是美人胚子。

黃淑儀:母子有誤會

黃淑儀自70年代起與盛子交往,雙方無所不談,黃淑儀憶起故友說:「佢喺夜總會唱歌我哋已經識,佢同我細佬喺多倫多住同一區,我哋成日見,姜文杰都成日嚟我屋企玩。當年佢同姜文杰有啲誤會,有唔開心,我都有勸過同教訓過姜文杰。(梁盛子同姜氏兄妹近年關係點?)唔係好清楚,好似冇來往,佢冇講起,我都冇問。」

(梁海平攝影)
  • (梁海平攝影)
靚太廚神
  • 靚太廚神
能歌擅舞
  • 能歌擅舞

DJ車淑梅在Facebook上載照片悼念梁盛子,她接受電話訪問說:「我係今年7月先識佢,相逢恨晚!我叫佢做靚太廚神,佢為人爽朗,佢同我做咗個錄音訪問,講到同秦沛所生嘅兩個仔女,佢話當年好唔應該離開屋企,呢個鬱結喺佢心度,佢講起仔女情緒好波動,訪問仲要即刻暫停,隔咗都好耐先再錄!」

黃淑儀與梁盛子在加拿大時有來往。
  • 黃淑儀與梁盛子在加拿大時有來往。
車淑梅曾訪問梁盛子,大嘆相逢恨晚。
  • 車淑梅曾訪問梁盛子,大嘆相逢恨晚。

車淑梅:鬱結未能解

車淑梅又說:「佢話當年秦沛環境比佢穩定,當時佢冇屋住、冇工作,湊住兩個小朋友冇好處,好希望仔女體諒佢呢個痛苦嘅決定,希望有日可以解開呢個鬱結。佢平時唔鍾意講屋企人,希望佢對仔女聽到呢個訪問,明白媽咪出發點係想仔女有安定生活,佢最大心願係得到子女諒解,可惜佢呢個心願未了就走咗!」

文:影視組


鍾意就快D Share啦!
Related Posts Plugin for WordPress, Blogger...