賣晒關子，似乎係成功在望啵！
藝人黃心穎及王祖藍等於電視城錄影無綫節目《你健康嗎？》，談到心穎目前於熱播劇集《為食神探》中要色誘拍檔馬國明，而對方現實中更買樓升呢為「超級筍盤」，問曾與馬國明傳緋聞的心穎會否因而考慮對方？她開玩笑稱會考慮，又直言欣賞努力工作的男仔：「佢不嬲係筍盤，但有物業都唔關我事。（考慮佢？）考慮吓，我哋識好耐，但冇深入了解。（唔係你杯茶？）唔知，我睇感覺。（男仔有物業會加分？）唔會因為物業，而會因為有物業代表佢努力工作而加分。」
心穎又笑言自己遇到心儀對象會主動出擊，過往亦成功追得美男歸，她又爆料稱目前有神秘意中人：「鍾意就話畀人知！試過成功追男仔，但覺得吃力，對方冇自己咁鍾意佢。（有潛在對象？）有，談戀愛係生活一部分。（主動追佢？）認識緊個男仔。」問到其心儀對象是圈內或圈外人？心穎即撒嬌拒答：「咦！唔答、唔知，到時大家會知。（事成公告天下？）唔會特別講，但影到都唔會呃大家。」
來源 source: http://hk.on.cc
|
鍾意就快D Share啦！
|
|
|
