【短片】【又借葉翠翠過橋】李逸朗自爆每個舊愛都肯幫佢口交 示範「龍舟掛鼓」
2016-09-15 20:57:00 HKT
示範動作
「龍舟掛鼓」
阿旦話隻「豬」冇咗，要留番呢嘢俾老公。
阿旦喺節目學咗四十幾招，但只係識得個名。
Don上ViuTV節目同梁梓禧「打成一片」，平時唔知有冇其他交流？（攝影：仇志德）
女男女…由情侶拍檔到緋聞女友都喺齊到。 (資料圖片)
蔣雅文同葉翠翠狹路相逢，依家亦分別成為人妻。 (資料圖片)
那些年的Don同翠翠…曾經是一對…
講起李逸朗（Don）………你會諗起……哭腔《傻女》，仲有拍《男極探射燈》成為梁齊昕偶像啦，仲自導自演開拍網絡電影《神探茄喱啡》……仲有呢？？又係舊愛葉翠翠同疑似舊愛蔣雅文。
去年Don借蔣雅文抽水單嘢，已經搞到好大件事，皆因蔣雅文已經係人妻，而且，據蔣雅文所講，兩人當年真係冇嘢，而且拆夥後亦不相往還多年。Don突然貼出呢張「世紀合照」，真係令蔣雅文好尷尬。(新聞連結: http://bit.ly/2cgv5wU ) (仲有呢篇： http://bit.ly/2d2afD3 )
冇嘢都尚且搞到咁，咁……同屬人妻嘅葉翠翠呢？
今日Don應邀到柴灣為ViuTV由鄧洢玲（阿旦）同梁梓禧主持嘅節目《晚吹－啪啪聲，太好聽》任嘉賓，討論性愛體位。阿旦自言做呢個節目得著係學到幾四十幾招性愛技巧名稱。兩男應邀示範「蝦米仔交歡」、「龍舟掛鼓」等動作，梁梓禧最初話：「我男友會嬲o架，仲要俾李逸朗搞。」之後佢又好抵死嗌：「我係港姐，嗌我港姐冠軍。」港姐……？？？？
受訪時，Don率先爆阿旦從未同男友口交，阿旦即反擊Don爆料話：「Don話同每個女仔拍拖都想結婚，而每個女仔都願意幫佢口交。」阿旦就堅持要留番口交呢樣俾老公，但直認隻「豬」已冇咗好耐。
話題又兜番去頭先梁梓禧講起「港姐冠軍」，咁係因為Don曾同港姐冠軍葉翠翠拍拖。問Don最深刻同邊個拍拖，會唔會係葉翠翠呢？Don反問：「嫁咗人嗰個？」
Don又話：「唔記得喇，每個都感情好深刻，中間過程就忘記咗。」阿旦再爆Don最鍾意性愛體位係龍舟掛鼓，Don聞言即話：「即係完全抱起對方進行性愛，好難為好吃力。」此時阿旦又插嘴：「我聽完都即問個女仔高唔高、腳長唔長，趣（翠）唔趣（翠）？」Don即一臉認真話：「唔趣（翠）。」
其實唔係唔俾你自揭性史，但都要諗下人哋感受0架……葉翠翠回應傳媒時就話：「我冇同佢(李逸朗)拍過拖，佢嘅生活我唔清楚。今日中秋節，祝大家中秋節快樂！」
|
鍾意就快D Share啦！
|
|
|
