《城寨英雄》Fans有福喇。
由陳展鵬、胡定欣主演的《城寨英雄》剛剛完結，大結局收視35.2暫時是全年收視之冠，而兩位視帝、視后級的演繹，觀眾看到入晒肉、直頭入晒骨。而之前展鵬曾於微博留言謂：「如果今晚破紀錄收視！我答應妳（胡定欣）我們要在一起。」查實佢哋破唔破紀錄，監製文偉鴻都已經約咗佢哋「在一起」，之前《東網》都曾經率知報道過，他們會與影后級的鮑起靜九月合作拍攝新劇《同盟》，監製亦是文偉鴻，而演員方面還會有姚子羚、陳山聰等，而武指方面，還是《城寨英雄》的郭振鋒師傅坐陣，聽到呢個陣容都好吸引。
似時裝版武則天
監製亦不諱言當《城寨英雄》拍到中段時，已決定找展鵬及定欣這個組合拍《同盟》，繼續打到飛起，程度一定比《城寨》的拳佬、刁蘭有過之而無不及，而且監製亦指此劇會是時裝版的武則天，換言之鮑姐的角色一定有氣燄、壓爆場。
定欣當自己做打女
現時，雖然展鵬於加拿大登台，不過他每天都有為拍《同盟》而作準備，於微博上，他每天都上載健身照片，更留言謂：「為未來加油！」、「城寨的完結，又是另一套的新開始。」睇嚟今次真係唔係講少。而拍此劇，監製講明演員要學槍械，更要打以色列搏擊術，聽落都辛苦，不過定欣接受訪問時就好淡定咁話：「我而家當自己真係做咗打女咁㗎！希望一次型過一次」而《城寨英雄》咁收得，監製都笑言覺得兩位演員好旺佢，希望今次佢哋大家繼續互旺，屆時《同盟》真係要睇住《城寨英雄》嘅收視嚟「打」！
來源 source: http://hk.on.cc
|
鍾意就快D Share啦！
|
|
|
