掃呢頁CODE去手機

2016年9月10日 星期六

【一個打十個‧人工加幾百】無綫財經台逃亡潮 林小珍裸辭:係好辛苦! __,無綫,林小珍,

無綫主播吹起一片離巢風,由體育台吹到財經台。無綫今年2月將「高清翡翠台」改為「J5」,主攻財經節目,有消息話呢半年主播要應付嘅工作量多咗,兩位資深財經女主播:范巧茹同林小珍為此已經遞信辭職,分別喺9月中同10月底同大台講拜拜,重點係,兩位都係「裸辭」,即係未搵工就辭職今日范巧茹同林小珍分別喺社交網貼咗同一班同事食飯嘅相,透露噚日係兩位幕前最後一天,非常值得紀念!兩位主播暫時未有新去向,但點解非走不 ...




其他影片:>>






無綫主播吹起一片離巢風,由體育台吹到財經台。無綫今年2月將「高清翡翠台」改為「J5」,主攻財經節目,有消息話呢半年主播要應付嘅工作量多咗,兩位資深財經女主播:范巧茹同林小珍為此已經遞信辭職,分別喺9月中同10月底同大台講拜拜,重點係,兩位都係「裸辭」,即係未搵工就辭職今日范巧茹同林小珍分別喺社交網貼咗同一班同事食飯嘅相,透露噚日係兩位幕前最後一天,非常值得紀念!兩位主播暫時未有新去向,但點解非走不可?林小珍今日接受傳媒電話訪問,最初表示同范巧茹離職理由一樣,因為BB女剛出世,所以想多啲時間照顧小朋友。但當問及是否工作量太大時,小珍就不吐不快、好坦白咁話﹕「係好辛苦,因為好多節目要serve,未開台(J5)都知有少少……做落就真係非常之吃力。」有指無綫財經部門台前幕後只有三十餘人,但就要負責晒翡翠台、J2、互動新聞台、明珠台同J5所有嘅財經節目,粗略估計,每周一至五輪住播放嘅《智富360》、《滬港互通》、《交易現場》、《智富之道》、《樓盤內望》等等,都係由呢三十餘人一手包辦。林小珍稱﹕「其實我哋除咗做幕前,鏡頭外都要做好多工作,人物專訪、寫稿同資料搜集全部自己做。」她稱在無綫的日子,每日返足十個鐘係基本,好多時都要OT,但食飯時間僅得半小時,做唔晒嘞,當然要放假返屋企做啦。咁有冇同上級反映?林小珍笑笑口話﹕「有㗎,不過我諗真係資源有限啩。我哋又唔係做咗好耐(J5),明白一時三刻好難請到人,我諗0依家最大問題係出現斷層,主播十隻手指數得晒,好多新人做得一、兩年就唔做,有啲甚至係未接觸過財經嘅,所以都要慢慢學。」咁大台有冇極力挽留?小珍話﹕「有嘅,但咁大個人都係諗好晒(遞辭職信),除非好特別情況啦。咁我哋人工不嬲都微薄,我哋做記者唔叫好差(人工),但唔係好理想囉,我覺得我嘅工作量同回報係唔成正比嘅。(每年加薪有冇4位數?)冇,除咗升職咪有,大圍咁加得三位數。」咁留喺度嘅同事咪好慘?佢笑話﹕「係㗎,留低真係需要勇氣呀!我哋走,佢哋想喊咁滯。」林小珍係2003年畢業後加入無綫,做咗十三年,主要負責《智富之道》主持,舊年剛做媽媽,BB女Cosette 0依家9個月大,肥嘟嘟好得意。小珍話希望離職後有個新開始﹕「可能先take個break,諗吓人生下半場應該點行,都做咗十幾年記者,所以自己搵個新方向。」

林小珍離開大台後,會先休息吓! 小珍「裸辭」,話目前工作有點吃力。
林小珍同囡囡Cosette 。

鍾意就快D Share啦!