掃呢頁CODE去手機

2016年9月26日 星期一

騷前㔆玻璃 祖兒愈唱愈痛焗做手術 __,祖兒,容祖兒,

喂呀,咁痛都仲綵排同做巡演...祖兒!小編唔准你咁樣㗎。容祖兒、李克勤日前到惠州舉行巡演,一直鍾情室內場館的二人,這次卻「摒棄傳統」,在惠州露天大球場三面台會觀眾。兩人汗流浹背施盡渾身解數,最終跳到連底褲都濕埋,贏盡全場掌聲。雖然場館限制要於晚上十一點關門,但由於觀眾不肯離開,全場站立不停叫安歌,最終兩人冒着被停電的危險,再唱多十分鐘才散場。祖兒忍痛開工祖兒在騷前綵排時已邊跳邊叫「腳痛」,原來她在 ...




其他影片:>>






喂呀,咁痛都仲綵排同做巡演...祖兒!小編唔准你咁樣㗎。

容祖兒、李克勤日前到惠州舉行巡演,一直鍾情室內場館的二人,這次卻「摒棄傳統」,在惠州露天大球場三面台會觀眾。兩人汗流浹背施盡渾身解數,最終跳到連底褲都濕埋,贏盡全場掌聲。雖然場館限制要於晚上十一點關門,但由於觀眾不肯離開,全場站立不停叫安歌,最終兩人冒着被停電的危險,再唱多十分鐘才散場。

祖兒忍痛開工

祖兒在騷前綵排時已邊跳邊叫「腳痛」,原來她在家中打爛玻璃杯,疑沒掃清乾淨,早上起床不小心踩玻璃。但忍痛力特強的她,竟可以繼續開工。到惠州騷臨開場前,祖兒腳痛愈來愈嚴重,最後在化妝間,由一眾工作人員上演「妙手仁心」,一起捉實她的腳掌,然後用火燒熱一支針,並由祖兒助手操刀為她把玻璃碎挑出來。祖兒謂:「係因為我不停話痛,大家可能頂我唔順,突然就好多隻手捉住我隻腳,又夾又放大鏡、又針又鎅刀咁,然後一粒鑽石戒指咁閃的玻璃碎就出咗嚟,終於舒服晒。」

克勤誘祖兒除衫?

另由於是次在室外開騷,克勤唱完第一部份已在台上大喊:「嘩,究竟天氣熱定你哋熱情?熱到我底褲都濕埋。」祖兒聞言即謂:「你咁熱,除衫啦。」但最終克勤只是當她熱到「傻咗亂噏嘢」,誓死唔除外套。克勤謂:「我唔係走呢啲路線!雖然我都有keep住健身,但唔係露體狂。」祖兒即笑道:「你話我呀?我做演唱會都幾暴露㗎,哈哈。」克勤再回話謂:「我唔係話任何人...總之,上次有譚生(譚詠麟)陪我一齊,我咪試過一次做大隻佬囉。有佢喺隔籬傍住個心定好多,自己一個露就唔好啦,一係下次你又除啦,你除我咪陪你囉。」

祖兒想到Miffy故鄉做巡唱

祖兒、克勤稍後仍會繼續到湛江、深圳、上海、星馬等地舉行巡唱,克勤謂其實他最想去新西蘭唱,因想感受大自然,並謂想一嘗對着綿羊唱歌的滋味。祖兒則謂想去荷蘭,至於原因竟然是因為荷蘭是Miffy故鄉。


來源 source: http://hk.on.cc
鍾意就快D Share啦!