2016年9月19日 星期一

張致恒偷嗒台妹認鹹濕:我控制唔到! __,張致恒,

張致恒偷嗒台妹認鹹濕:我控制唔到!31歲的張致恒(Steven)與34歲、擁有35E巨胸的莊端兒(Xenia)發展姊弟戀兩年多,花心的Steven最近卻背女友偷食富貴台妹Doris,男方日前被發現於Doris的將軍澳香閨密會後雙雙離開。被踢爆偷食的Steven直認對女友感到內疚,還坦承主動「網溝」台妹,他自責衰鹹濕:「我控制唔到,我控制到控制咗啦!」至於Xenia對男友出軌,她坦言雙方已分手數月, ...


張致恒到台妹Doris的香閨密會,其後女方更送張致恒離開搭車。
張致恒偷嗒台妹認鹹濕:我控制唔到!31歲的張致恒(Steven)與34歲、擁有35E巨胸的莊端兒(Xenia)發展姊弟戀兩年多,花心的Steven最近卻背女友偷食富貴台妹Doris,男方日前被發現於Doris的將軍澳香閨密會後雙雙離開。被踢爆偷食的Steven直認對女友感到內疚,還坦承主動「網溝」台妹,他自責衰鹹濕:「我控制唔到,我控制到控制咗」至於Xenia對男友出軌,她坦言雙方已分手數月, ...


張致恒偷嗒台妹認鹹濕:我控制唔到!

31歲的張致恒(Steven)與34歲、擁有35E巨胸的莊端兒(Xenia)發展姊弟戀兩年多,花心的Steven最近卻背女友偷食富貴台妹Doris,男方日前被發現於Doris的將軍澳香閨密會後雙雙離開。被踢爆偷食的Steven直認對女友感到內疚,還坦承主動「網溝」台妹,他自責衰鹹濕:「我控制唔到,我控制到控制咗」至於Xenia對男友出軌,她坦言雙方已分手數月,並說:「佢做咗啲對我唔住嘅事。」

藝人張致恒(Steven)與身材激凸的莊端兒(Xenia)拍拖兩年多,數月前雖傳出分手,但早前男方還在社交網公開刻有「愛你一萬年」的戒指趁機求婚兼放閃,正當以為兩人感情未變之際,最近Steven卻背着女友偷嗒身形嬌小,開設公司的富貴長髮台灣索女Doris。早前正印Xenia身在澳洲,Steven即趁機摸上Doris香閨度春宵,還被目擊連日於清晨7、8時,由女方駕駛其白色保時捷跑車接載他離開。

透過Facebook搭上

當日Steven一早前往女方寓所,及至下午約4時才與Doris雙雙離開。現場所見,一頭散亂長髮的Doris素顏上陣,身穿連身露腰長裙,與戴鴨舌帽,一臉倦容的Steven沿途肩並肩步往停車場,期間有傾有講,女方更一度親暱地把玉臂靠在男方的麒麟臂,途經保安時二人才稍為避忌,相隔數個身位行,但轉頭二人又「合體」步往的士站。Doris送Steven上車後才獨自上樓,期間見她站於一旁不停撳電話,似乎是與剛道別的Steven電話傳情,Steven上的士後直返牛池灣寓所。

Doris長髮披肩,身形嬌小。
  • Doris長髮披肩,身形嬌小。
兩人並肩而行,手臂緊貼手臂。
  • 兩人並肩而行,手臂緊貼手臂。
一臉倦容的張致恒搭的士返寓所。
  • 一臉倦容的張致恒搭的士返寓所。

對於與台妹Doris「密會」,Steven昨日接受電話訪問,竟自爆莊端兒已是前度女友:「其實我同莊端兒已分手一段時間,唔公開講係因為我未同女方溝通,況且我覺得感情係兩個人嘅嘢,毋須公開同外界交代。」至於跟Doris的關係,他直認追求過對方,雙方有過「曖昧」關係,但又不算「拍拖」,只是到訪過對方香閨兩次。問如何認識?他說:「喺facebook識咗好耐,但一直冇講過嘢,但佢住喺將軍澳,我又返無綫,咪上佢屋企探佢囉,(上咗去幾多次?)兩次。」

承認錫錫好內疚

言談間,Steven表現得深感後悔,不停認錯,更坦白從寬自揭難抵誘感,不停重複犯所謂「全世界男人都會犯的錯」:

記者:同Doris發展到咩階段,有冇錫過?

Steven:有。

記者:上埋床?

Steven:總之我冇喺佢屋企過夜,我唔想講到咁白,你明唔明呀?成件事我唔知點呀,其實我好內疚。

記者:冇上床都唔算出軌?

Steven:每個人都有一個定位,唔一定擺落口食落肚就叫食咗,其實你「lam」過都當食咗,男人攬過女人都代表行為上出軌,唔係食咗先叫出咗軌。

記者:係咪衰花心?

Steven:我咁多年都係咁,我都唔知點解,我真係唔適合拍拖,唉……傷害人,傷害自己。

記者:下次唔好再咁做。

Steven:(悲哀聲)我唔想o架,你明唔明?我真係好想結婚,我就係一個咁樣嘅人,好難去改,你明唔明呀?我都好心痛自己點解成日都係咁樣?

「思想行為上出咗軌」

記者:因為係男人,因為鹹濕?

Steven:(突然激動)唔係我想o架,我控制唔到,我控制到控制咗啦,男人……女人都可以鹹濕o架,都有呢方面嘅女仔o架嘛。

記者:你可以拒絕人哋嘛?

Steven:我……我拒絕唔到囉,OK?我……我自制能力好差囉。

記者:同Doris再發展落去?

Steven:未必會啦,唔再發展落去有其他原因嘅。

莊端兒指他曾做對她不起的事,Steven強調肉體上沒有背叛過前女友,不過認衰說:「我唔係一個100%嘅好男人,亦唔係稱職嘅男友,我好多嘢都做得好差,我喺思想、行為上出咗軌。」又自認沒形象可言,緋聞對他最大影響不是毁事業,而是:「會影響我整個人,我由細到大都係咁,自己(惡)果,自己食番囉。」

文、攝:追蹤組、音樂組


鍾意就快D Share啦!
Related Posts Plugin for WordPress, Blogger...