掃呢頁CODE去手機

2016年9月17日 星期六

阿田再有神級演出 網民睇好拎硬視后 __,阿田,田蕊妮,

阿田啲戲真係好正!藝人田蕊妮(阿田)喺2013年憑無綫劇集《巨輪》飾演「倀雞英」一角,奪得「最佳女主角」及「我最喜愛電視女角色」,演技得到認同。最近播出續集《巨輪II》,「巨粉」對阿田嘅演技繼續有讚冇彈。網民讚冇得輸尋晚阿田喺《巨輪II》又有視后級嘅演出!加上尋日中秋節,好多人都邊食飯邊睇劇,所以尋晚播出嗰集特別大回響!不過呢,呢一集比較Sad,可以話超多洋蔥添!是咁的,劇情講到龍飛(阮兆祥飾)諗 ...




其他影片:>>






阿田啲戲真係好正!

藝人田蕊妮(阿田)喺2013年憑無綫劇集《巨輪》飾演「倀雞英」一角,奪得「最佳女主角」及「我最喜愛電視女角色」,演技得到認同。最近播出續集《巨輪II》,「巨粉」對阿田嘅演技繼續有讚冇彈。

網民讚冇得輸

尋晚阿田喺《巨輪II》又有視后級嘅演出!加上尋日中秋節,好多人都邊食飯邊睇劇,所以尋晚播出嗰集特別大回響!不過呢,呢一集比較Sad,可以話超多洋蔥添!是咁的,劇情講到龍飛(阮兆祥飾)諗住飛去沖繩搵老婆文英(田蕊妮飾),點知班航機出咗事,嚇到文英不知所措,嚇到爆喊兼自言自語,啲內心戲出晒嚟,有網民就話隔住個mon都戥阿田心痛,仲大讚阿田演技冇得輸!

堅摑冇借鏡

之後,龍飛嘅爸爸聽到個仔出事,搞到中風昏迷入院,文英即刻返澳門趕去醫院,點知奶奶(盧宛茵飾)一見到文英,即時眼火爆,喪鬧文英搞到佢唔見咗個仔,文英只好跪地任由奶奶喪摑,完全打不還手!一巴巴咁摑落去,網民話見到都覺得痛!其實呢,拍呢個場口係有段故嘅,阿田之前出活動時講過,呢場戲係畀盧宛茵「堅摑」咗兩日,何解呢?原來第一日阿田腸胃炎兼中暑,摑摑吓搞到嘔,要第二日返去再被摑導演先收貨!去到最尾,文英仲畀奶奶趕出家門,仲要夾親隻手,有網友話自己肉緊到叫咗出嚟!

基本上成集嘅亮點都係阿田啲內心戲,當中講到佢諗番以前同老公嘅恩愛點滴,最後崩潰爆喊嘅場口,真係一啲都唔易演,有網民已經話今屆視后非阿田莫屬喇!

網民有話兒:

Kxx KxxTxxx Chxx:由乍聞龍飛出事,心情忐忑,自言自語,醫院被奶奶連摑幾巴!送奶奶回家夾手,到在家中回憶夫妻恩愛點滴,最後崩潰痛哭!幾場戲情緒拿揑到位,今集堪稱亞(阿)田代表作!年尾(視后)獎項不作他想!

Yxx Ox xxum:今集看到田姐的演技

Charlie Suen:夾手嗰幕好心痛!

劉XX:阿田永遠是我心目中的視后,她有感動觀眾的魔力,真正的魔女.....

Caxxx xo:好慘 龍飛可吾(唔)可以吾死


來源 source: http://hk.on.cc
鍾意就快D Share啦!