掃呢頁CODE去手機

2016年9月24日 星期六

【獨家有片】李嘉欣喺邊?孤獨許晉亨 撐枴杖中環慢行 __,嘉欣,李嘉欣,許晉亨,鍾嘉欣,

港姐冠軍李嘉欣不嬲都同老公許晉亨有影皆雙,早排佢哋公婆先帶埋囝囝Jayden陪嘉欣媽咪同家姐等飲茶(新聞連結:http://bit.ly/2csJyr6),亨亨仲好體貼咁帶啲細路同傭人先離開,等老婆可以陪吓媽咪。到上星期,亨亨嘉欣再現身,但今次亨亨撐住枴杖睇鄭秀文演唱會,雖然佢出入都要老婆扶住,但聽到《火熱動感lalala》仲起到身跳舞(新聞連結:http://bit.ly/2deNkBa),似乎 ...




其他影片:>>






港姐冠軍李嘉欣不嬲都同老公許晉亨有影皆雙,早排佢哋公婆先帶埋囝囝Jayden陪嘉欣媽咪同家姐等飲茶(新聞連結: http://bit.ly/2csJyr6 ),亨亨仲好體貼咁帶啲細路同傭人先離開,等老婆可以陪吓媽咪。到上星期,亨亨嘉欣再現身,但今次亨亨撐住枴杖睇鄭秀文演唱會,雖然佢出入都要老婆扶住,但聽到《火熱動感lalala》仲起到身跳舞(新聞連結: http://bit.ly/2deNkBa ),似乎係想證明佢其實冇大礙。噚日下晝4點左右,西裝骨骨嘅亨亨單拖現身中環置地,撐住枴杖、行到跛吓跛吓咁,佢全程慢行,喺啲舖頭之間兜圈,好似window shopping咁,久唔久就攞部手機出嚟撳幾吓。後來佢慢步到中建大廈,嗰度頂樓係佢家族嘅總部,亦有好多診所喺度,亨亨同其他人一齊排隊入電梯,但佢入去後冇撳電梯,直至全電梯啲人出晒得番佢一個,最後佢去咗邊,係一個謎……約5分鐘後,亨亨同一名女子再搭電梯落樓,雖然當時電梯內逼滿人,但亨亨都冇唔耐煩,好靜咁企喺電梯角落頭等到落地下,之後佢就同嗰名女子行去一早已經停喺樓下嘅白色7人車。不過,有腳傷在身嘅亨亨,上車後並未即刻開車走,佢慢慢上完車,坐喺度唞咗一陣先起行。無論咩事都好,希望亨亨早日康復。

許晉亨噚日一個人現身中環,全程撐住枴杖慢步。(攝影:朱志聰) 等電梯
喺電梯入面整理儀容 全電梯出晒得番佢一個
離開中建大廈時,亨亨身旁多咗一位女士
亨亨上星期先同嘉欣去睇演唱會 仲有同Sammi握手

鍾意就快D Share啦!