掃呢頁CODE去手機

2016年9月25日 星期日

逐呎度:睇樓逐呎度:盈翠半島的百慕達三角 __,

傳統嘅鑽石廳畀人感覺相當唔好使,而今期參觀咗青衣盈翠半島嘅單位,同八、九十年代一般嘅鑽石廳好唔同,絕對可以話係經典中嘅經典。成個廳大部分地方都實用,長近20呎,闊有近10呎,數據都算唔錯;但令人百思不得其解嘅係客廳盡頭嘅大型三角位,仲竟然兩邊都係窗,咁點擺傢俬好呀?畀啲hints我吖唔該。今期《睇樓逐呎度》去到盈翠半島嘅11座低層H室,實用面積522方呎,採2房間隔,睡房方正實用,但係大廳竟然有個 ...




其他影片:>>






傳統嘅鑽石廳畀人感覺相當唔好使,而今期參觀咗青衣盈翠半島嘅單位,同八、九十年代一般嘅鑽石廳好唔同,絕對可以話係經典中嘅經典。成個廳大部分地方都實用,長近20呎,闊有近10呎,數據都算唔錯;但令人百思不得其解嘅係客廳盡頭嘅大型三角位,仲竟然兩邊都係窗,咁點擺傢俬好呀?畀啲hints我吖唔該。

今期《睇樓逐呎度》去到盈翠半島嘅11座低層H室,實用面積522方呎,採2房間隔,睡房方正實用,但係大廳竟然有個大型三角位,而且兩邊係窗,業主們諗要點擺家具,真係諗到頭都大埋。

甫進入單位,經過長6呎玄關入屋,即達兩廳所在地。大廳長近20呎,闊近10呎,原本地方的確好使好用,但可惜廳盡頭嘅「大三角位」設計,實在令人費解。

至於寢區,兩間睡房間隔同樣方正,主人房面積近84方呎,長逾10呎,加上配以廣角窗,令室內空間感極大,惟門口有少少虛位,減低實用程度;客房面積則約45方呎,地方較細,擺位要花心思。廚房呈不規則間隔,但長逾12方呎,闊約5呎,煮食時都唔覺逼狹。

盈翠半島是同區佔盡地利嘅私人屋苑,唔單止享有鐵路沿線嘅優勢,其基座還有大型商場,向為青衣區的中心點。屋苑分2期發展,提供12座大廈,共3,440個單位,戶型及盤源較多。屋苑規模大及設有住客會所,周邊設施亦係吸引用家追捧的原因之一,如大型基座商場青衣城,主打中、高檔路線,場內又有同區唯一嘅戲院,係購物消閒嘅不二之選。

美聯營業經理詹皓泰指,近月樓市暢旺,盈翠半島大多業主叫價進取,現時最平2房戶為1座中層G室,實用面積522方呎,叫價700萬港元,議價空間不大。佢又話,屋苑9月份暫錄得7宗成交,其中1座高層F室以733萬元沽,依家兩房戶僅餘10個買賣放盤。


來源 source: http://hk.on.cc
鍾意就快D Share啦!