睇嚟呢件事對鄭中基都有好深嘅影響。
歌手鄭中基（Ronald）相隔十年再開騷，假澳門威尼斯人舉行僅此一場的《PLAY IT AGAIN世界巡迴演唱會澳門站》，台上播放他當年奪得香港電影金像獎最佳男配角獎時的得獎感言，之後他就唱出《八二十八八十八》，Ronald指這首歌與他很相似，並重提當年他飲醉酒在飛機上鬧事的經歷及感受，他說：「我細個已經會飲醉酒，嗰時年紀未過雙位數，培養咗浪子性格，但任性會出事，令我失去好多嘢，例如朋友、工作、錢，但呢個低潮對我係鍛煉。身邊好多我以為好Friend嘅人，突然唔見晒，或者好陌生，但有啲冇咩聯絡嘅，反而會打嚟支持我。所以我想借呢個時間多謝佢哋雪中送炭！」
他又特別點名多謝三個人，包括無綫高層曾勵珍、在場的谷德昭及校長譚詠麟：「第一個係曾勵珍，佢搵我入TVB拍劇同Variety show（綜藝節目）。第二個係谷德昭，問佢係咪覺得我靚仔所以搵我拍戲，佢唔出聲。之後係校長，佢有話我唔唱歌嘥咗。」之後唱出《真摯》表達對他們的謝意。去到Encore環節，Ronald走落台下繞場一周與觀眾握手。
來源 source: http://hk.on.cc
|
鍾意就快D Share啦！
|
|
|
