陳法蓉當年咁大膽！真唔真呀？
前港姐季軍梁佩瑚日前現身有線節目《娛樂熱辣辣》，在爆料環節中大談當年選美黑幕，身為1989年港姐的她，披露和她同屆參選的陳法蓉違例拍攝周刊封面，事後更當眾落淚扮委屈！
梁佩瑚自認操行麻麻
梁佩瑚直指當年選美規矩嚴厲，佳麗們不准私下接受傳媒訪問，她表示：「當時有周刊搵我影封面，我唔敢應承，對方仲游說我話陳法蓉都拍咗，我話冇可能，點知後來真係見到佢做封面！」梁佩瑚指當年的保母手執周刊封面與陳法蓉對質，陳法蓉自辯說是參選前為模特兒公司拍的舊相，還激動落淚，表現委屈。梁佩瑚笑道：「點知畀我哋發現佢崩咗嘅手指甲，同佢所謂舊相上嘅指甲一樣咁崩囉，估唔到可以咁複雜！」梁佩瑚又透露當年港姐保母更手執「操行簿」，用以記錄佳麗的表現供評判查閱，她說：「我認我操行麻麻，保母話我唔專心，成日匿喺廁所同男朋友講電話！」
楊玉梅有料爆
而亞姐方面亦有「操行簿」的安排，楊玉梅參選的1990年亞姐被指操行最差。楊玉梅亦受訪爆料：「同我同屆參選嘅有吳綺莉、施綺蓮、陳寶蓮等，我哋嗰屆好精彩架！有佳麗用鉸剪剪爛其它佳麗嘅衫，等佢出唔到場，又有人倒痕粉落人哋件衫度，等佢當眾出醜，仲有人打交，真係大開眼界！」
來源 source: http://hk.on.cc
|
鍾意就快D Share啦！
|
|
|
