掃呢頁CODE去手機

2016年9月19日 星期一

鬧喊佳麗 方力申勁嫌棄:有啲淘汰埋㖭 __,方力申,

對住前輩小方都態度唔認真,抵鬧!歌手方力申與一班ViuTV《選美D.n.A》佳麗會見新聞界。一眾靚女以運動Top現身,吸引大批在龍友到場拍照,期間8號許珮榆疑似「打假波」,被發現胸口打上陰影,大晒「胸器」之餘更主動坐低以「高炒」角度拍單人照,成功搶盡風頭!事後受訪時她靦腆謂:「我戴咗隱形胸圍嘛。(打陰影?)Er……咁聰明嘅?少少啦,佢哋唔係E就F,我得D仲唔比下去咩?我想靚,唔想肚腩大過胸。」李靜 ...




其他影片:>>






對住前輩小方都態度唔認真,抵鬧!

歌手方力申與一班ViuTV《選美D.n.A》佳麗會見新聞界。一眾靚女以運動Top現身,吸引大批在龍友到場拍照,期間8號許珮榆疑似「打假波」,被發現胸口打上陰影,大晒「胸器」之餘更主動坐低以「高炒」角度拍單人照,成功搶盡風頭!事後受訪時她靦腆謂:「我戴咗隱形胸圍嘛。(打陰影?)Er……咁聰明嘅?少少啦,佢哋唔係E就F,我得D仲唔比下去咩?我想靚,唔想肚腩大過胸。」

李靜蓮被爆與評判火火「特別好傾」

同場11號羅伊婷就爆料話日本外景期間,發現評判之一的火火,與12號李靜蓮特別好傾,且不避嫌以BB相稱,不過李靜蓮卻矢口否認:「邊有呀?我哋5個女仔經常黐埋一齊,加埋火火同方力申,係7個經常一齊就真。(點叫火火?)咪火火囉。」至於被傳因鬆踭爭位而不和的1號歐家裕及2號陳意嵐被要求合照,歐家裕表示已退選,今日現身只為協助宣傳,她又謂:「頭先冇機會同2號打招呼啫,見到都會嘅。」

方力申自爆開口鬧喊佳麗

身為評判的方力申自爆東京外景時,見盡佳麗們的缺點,曾試過開口喪鬧人,搞到佳麗們淚眼連連!他直言:「佢哋有啲自以為有知名度、網絡紅人,態度唔認真,我咪鬧囉,有啲直情唔畀機會就淘汰咗,當然依家唔講得住。我覺得雖然外在條件好,但做藝人都要講實力嘛。(依家感情生活呢?)空白一片囉。(冇佳麗啱你?)本來諗住參與呢個節目開心啲,點知發現晒佢哋啲嘢,有啲食嘢jip jip聲㖭,有啲又結埋婚,下次搞單身選美會好啲。」

黐實張沛樂?方力申強調擇偶條件要單身

對於網友指他經常黐着5號張沛樂,因而傳出緋聞,方力申即謂:「唔會啦,我擇偶條件要單身,佢有男友嘛。」張沛樂同樣否認緋聞,更放閃向記者表示:「我喺日本買咗頸錬畀男友做手信。(箍住佢?)哈哈,佢鍾意戴鏈嘛。」而當記者要求二人合照,方力申方面表明不會特別與個別佳麗合影。

佳麗泰國拍外景被偷錢

另外,有佳麗於泰國外景點期間失竊,15號馬倩宜代表謂:「淨係唔見錢,有人買嘢慳慳埋埋被偷,好彩我冇換錢,連電話都喺番度冇唔見到。」


來源 source: http://hk.on.cc
鍾意就快D Share啦!