掃呢頁CODE去手機

2016年9月15日 星期四

服侍周到 上山女 Hilary新男友好攬得 [壹週刊 - 1384] __,Hilary,M1,

上山女新歡一手攬到實,頭貼頭行街,使唔使咁痴纏呀!同你吟一吟服侍周到 上山女Hilary新男友好攬得索爆星二代,上山詩鈉個女Hilary一定榜上有名,今年先同中東籍男友RaficKorban分手,唔使半年已經俾泰國籍的同學仔Gunny追到手。先排放暑假,Hilary專程飛曼谷,幫男朋友仔削髮修行,順道見家長。近排Gunny飛來香港陪女朋友。當日這對小情人,下午四時坐住上山詩鈉的車前往銅鑼灣,一行三 ...


上山女新歡一手攬到實,頭貼頭行街,使唔使咁痴纏呀!

同你吟一吟

服侍周到 上山女 Hilary新男友好攬得

索爆星二代,上山詩鈉個女 Hilary一定榜上有名,今年先同中東籍男友 Rafic Korban分手,唔使半年已經俾泰國籍的同學仔 Gunny追到手。先排放暑假, Hilary專程飛曼谷,幫男朋友仔削髮修行,順道見家長。

近排 Gunny飛來香港陪女朋友。當日這對小情人,下午四時坐住上山詩鈉的車前往銅鑼灣,一行三人在車上,傾足廿分鐘才分道揚鑣, Hilary目標明確行入 BV shopping,唔使半個鐘已經搵到心頭好,男朋友 Gunny唔使叫,自動波拎銀包「科水」兼「拎住」。

之後兩個漫無目的四圍 walk,睇得出 Gunny好冧 Hilary,不時摸吓頭髮,掃背又攬腰,過馬路時,仲一手攬實女友。

行到差不多時間,還直落陪女友整手甲,大大話話個半鐘走唔甩,服侍真周到。不過上山女唔算好受落,係港女定係唔夠愛,就只有當事人先知喇!

Hilary同中東籍舊男友 Rafic分手唔夠半年,即刻就有新仔,換畫速度勁快。

暑假期間 Hilary飛泰國見家長,順便幫男友剃髮,準備修行。

Gunny一手拎住上山女的 BV戰利品,一手攬腰掃背。

上山女去 BV掃貨,半個鐘有收穫,由新歡找數。

Gunny唔興拖手仔反而鍾意摸 Hilary頭髮。

撰文:八珍


鍾意就快D Share啦!