掃呢頁CODE去手機

2016年9月20日 星期二

【獨家有片】蜜遊台北 JM任由男友錫頸聞髮香 __,JM,文詠珊,

現年27歲嘅文詠珊(JM),由「o靚模」升做「模art」,兩年前再收3,000萬加盟太陽娛樂,加上自組公司做老闆,又北上拍劇,收入大躍進。生財有道嘅JM,除咗事業得意,感情亦有着落,同拍拖兩年嘅富二代吳啟楠(CarlWu)發展穩定,二人「愛的足跡」遍佈上海、台灣、布吉同愛琴海。JM由最初死口唔認戀情,到o依家繼續keep住寧俾人知莫俾人見態度,想見JM同男友親熱畫面,就只有等二人出埠或者喺香港比較 ...




其他影片:>>






現年27歲嘅文詠珊(JM),由「o靚模」升做「模art」,兩年前再收3,000萬加盟太陽娛樂,加上自組公司做老闆,又北上拍劇,收入大躍進。生財有道嘅JM,除咗事業得意,感情亦有着落,同拍拖兩年嘅富二代吳啟楠(Carl Wu)發展穩定,二人「愛的足跡」遍佈上海、台灣、布吉同愛琴海。JM由最初死口唔認戀情,到o依家繼續keep住寧俾人知莫俾人見態度,想見JM同男友親熱畫面,就只有等二人出埠或者喺香港比較隱蔽地方先有機會見到。有《蘋果》讀者陳小姐,透過本報「爆相爆片」,見到JM同Carl喺約兩個禮拜前,蜜遊台北。據陳小姐透露,當日目睹二人拍拖去台北一間有唔少明星光顧嘅燒肉店食飯。陳小姐話:「佢哋可能唔想俾人見到,所以就揀咗餐廳最角落個位坐,食咗大約兩個鐘到,佢哋食咗都幾多嘢,JM男友邊食邊聞女友啲頭髮,又錫佢條頸,飲咗幾杯嘅JM都幾受落!」唔……呢個畫面(只能靠想像),巴打們,係咪有啲牙癢癢?陳小姐再透露自己同JM都幾有緣,先後見過佢同男友3次,一次就係今次嘅台北,一次喺香港,一次就喺上海。佢話:「喺上海嗰次,佢哋去咗一間西式餐廳,個男仔都有少少猴急,見佢隻手喺JM心口位置掃咗幾吓!」唔唔……呢個畫面(只能靠想像),巴打們,這些機會不是屬於你你你同你的!

(相片由讀者陳小姐提供) JM同男友兩個禮拜前,拍拖去台北食燒肉,飲咗兩杯嘅JM,隻手仲搭實男友膊頭。(相片由讀者陳小姐提供) JM選登揀餐廳最角落位置食飯,似乎係唔想俾人騷擾!(相片由讀者陳小姐提供)
食食吓,頭貼頭睇電話!(相片由讀者陳小姐提供) 讀者陳小姐話當日JM都飲咗唔少啤酒!(相片由讀者陳小姐提供) 讀者陳小姐喺今年3月,都見到JM同男友喺COBO HOUSE撐枱腳。(相片由讀者陳小姐提供)
手拎Hermès Birkin嘅JM,凸顯富貴look!(相片由讀者陳小姐提供) 今年7月,二人俾內地傳媒影到喺上海又拖又啜!(資料圖片) 喺上海睇戲嗰陣,JM仲忍唔住錫錫男友面豬!(資料圖片)
今年3月,二人就俾人見到去咗布吉玩!(資料圖片) 舊年6月,佢哋就已經去過台北旅行。(資料圖片)

鍾意就快D Share啦!