阿Sa自爆細個讀書嗰陣會主動追男仔，咁唔知依家會唔會呢？
歌手張敬軒、Twins與許靖韻現身婚禮場地出席廣播劇記者會，軒仔、Twins跟DJ司勳與花仔花女慢慢步入會場，十足婚禮一樣。記者會期間，軒仔睇相佬上身提議司勳明年結婚，阿Sa聞言即問軒仔她何時才會結婚，軒仔搞笑話：「你就要睇全相先知！」搞到阿Sa笑到流眼水，場面相當搞笑！
阿Sa親自出山擊男仔 逢追必勝
接受訪問時，阿Sa表示軒仔非常搞笑，提到軒仔要睇全相，她即話：「My pleasure！我見到佢Instsgram啲post好好笑都會send message畀佢，都唔知佢個腦諗乜！（佢成日講咸濕笑話？）頭先都講咗好多！」其後談到阿嬌在廣播劇內的角色好恨嫁，同男友拍拖多年，她直言一般女仔拍拖多年都會迫男友結婚，但自己卻未試過，問到她拍拖係咪成日散，阿嬌笑言：「咁我都唔係好大啫！」講到阿Sa劇內的角色比較主動，問到佢拍拖係咪都好主動？阿Sa話：「細個讀書嗰陣會主動啲，但唔會傻豬豬咁貿貿然，梗係feel到對方都有意思先，依家唔會喇。（試食過檸檬？ ）真係冇囉！好有信心先會，冇理由搵架嚟丢！」而在旁的阿嬌就話：「嘩！我都唔敢咁講！」至於提到現時有不少女性主動向男友求婚，阿Sa就坦言自己都希望會有男方向自己求婚。
阿嬌演唱會踩空嚇一嚇
另外，談到阿嬌昨晚做演唱會時險跌親，阿嬌指自己專注向前行，而沒有留意升降台未降到地面：「踩空咗，嚇一嚇，但冇事嘅。（演唱會第一次咁？）踩咁空嘅第一次。」
來源 source: http://hk.on.cc
|
鍾意就快D Share啦！
|
|
|
